Lumir Abdixhiku tregon të dhënat zyrtare të KQZ-së, nuk kursen kritikat

Lumir Abdixhiku, kandidati i LDK-së për kryeministër në Kosovë, ka publikuar të dhënat preliminare në zgjedhjet e 9 shkurtit.

Ai ka thënë se Lëvizja Vetëvendosje doli e para, Partia Demokratike e Kosovës e dyta, dhe Lidhja Demokratike e Kosovës e treta.

“Sipas numërimeve të votave nga komisonerët tanë LDK ka marrë 18.14%, LVV 39,88%, PDK 21.58%, Kosova Fituese 7.62%, Koalicioni për Familjen 1.5%”, u shpreh ai.

Abdixhiku nuk u duk optimist për rezultatin e përgjithshëm, megjithatë vlerësoi rritjen që ka pësuar partia e tij në këto zgjedhje.

Ai gjithashtu shprehu pakënaqësi për Komisionin Qendror të Zgjedhjeve, që dështoi në transmetimin e rezultatit të zgjedhjeve në kohë reale në uebfaqe.