ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Kallashë, 7 mijë fishekë, pajisje policie dhe predha eksplozivi, Policia tregon çfarë gjeti në banesën e Vis Martinajt (FOTO)

26 December 2022, 15:44Aktualitet SHKRUAR NGA REDAKSIA VOX
Kallashë, 7 mijë fishekë, pajisje policie dhe predha eksplozivi,
Ervis Martinaj

Policia e Shtetit ka reaguar në lidhje me kontrollet e ushtruar në banesën e "mbretit" të lojërave të fatit Ervis Martinajt, i cili është zhdukur në mënyrë misterioze prej disa muajsh.

Autoritet njoftojnë se përveç shtëpisë së Ervis Martinajt në Fushë Kuqe, janë ushtruar kontrolle edhe në dy banesat e xhaxhallarëve të tij, Faik dhe Rakip Martinaj. Kontrollet janë ushtruar në kuadër të procedimeve penale “Plumbi i artë” dhe “Rrëmbim personi”.

Policia njofton se nga kontrollet e ushtruar janë gjetur: dy armë zjarri automatike, një silenciator, rreth 7 mijë fishekë luftarakë të kalibrave të ndryshëm, për armë të lehta dhe të rënda, 85 predha eksplozive, një thikë bajonetë, 9 uniforma policie, 7 jelekë multifunksionalë, 11 kapele policie, dy radio policie, fenelina policie, maskë gome për fytyrën dhe dokumente të ndryshme.

Të gjitha sende e mësipërme ishin fshehur në koshere bletësh, ku për më tepër mund të shihni fotot e mëposhtme. Policia konfirmon se në banesa nuk janë gjetur shuma monetare.

Sendet e sekuestruara do të dërgohen në Institutin e Policisë Shkencore, për ekzaminime të mëtejshme laboratorike.

Njoftimi i plotë:

Kontrolle të befasishme në 3 banesa dhe në disa ambiente, në Fushë Kuqe.

Kontrollet, në kuadër të hetimeve në funksion të dy procedimeve penale “Plumbi i artë” dhe “Rrëmbim personi”.

Kontrollet, të mbështetura nga Forcat e Lëvizshme Operacionale të Policisë së Shtetit, FNSH dhe RENEA.

Sekuestrohen 2 armë zjarri, 1 silenciator, mijëra municione luftarake, radio, fenelina, uniforma policie, maska dhe sende të tjera të kundërligjshme.

Mëngjesin e sotëm, shërbimet e Policisë Gjyqësore të Drejtorisë së Përgjithshme të Policisë së Shtetit dhe ekspertë të Institutit të Policisë Shkencore, në bashkëpunim me shërbimet e Policisë Gjyqësore të Drejtorisë Vendore të Policisë Lezhë, mbi bazën e vendimit të Gjykatës së Posaçme të Shkallës së Parë për Korrupsionin dhe Krimin e Organizuar, në kuadër të procedimit penal të vitit 2022, regjistruar në SPAK, për vepra të rënda penale të kryera në formën e grupit të strukturuar kriminal, ushtruan kontroll në banesat e shtetasve: E. M., F. M. dhe R. M.

Gjatë kontrollit, shërbimet e Policisë gjetën të fshehura në koshere bletësh dhe sekuestruan në cilësinë e provave materiale, sendet e mëposhtme:

• 2 armë zjarri automatike, 1 silenciator, rreth 7 mijë fishekë luftarakë të kalibrave të ndryshëm, për armë të lehta dhe të rënda, 85 predha eksplozive, 1 thikë bajonetë, 9 uniforma policie, 7 jelekë multifunksionalë, 11 kapele policie, 2 radio policie, fenelina policie, maskë gome për fytyrën dhe dokumente të ndryshme.

Gjatë kontrollit nuk janë gjetur vlera monetare.

Provat materiale do të dërgohen në Institutin e Policisë Shkencore, për ekzaminime të mëtejshme laboratorike.

Galeria fotografike (
)


Në përputhje me standarded JTI

Video

SHIKO KANALIN NE YOUTUBE
×