KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Atentati në Milot, reagon Policia: U qëlluan në sheshpushimin e një pallati

22 July 2022, 23:04Aktualitet SHKRUAR NGA REDAKSIA VOX
 
Atentati në Milot, reagon Policia: U qëlluan në sheshpushimin e
Ylli Brahimi dhe Klisman Preçi

Policia e Shtetit ka reaguar pas atentatit me 1 të vdekur dhe një 1 të plagosur në Milot.

Burimet zyrtare njoftojnë se Klisman Preçi, 28 vjeçdhe Ylli Brahimi, 46 vjeç, janë qëlluar me armë zjarri në drejtim të automjetit tip fuoristradë “Land Chrysler”  në sheshpushimin e një pallati.

Burime bëjnë me dije se ngjarja ka ndodhur në sheshpushimin e pallatit ku banonte si viktima ashtu edhe i plagosuri.

Policia gjithashtu konfirmon se në automjetin e gjetur të djegur në fshatin Gramëz të Krujës, ka patur dy armë zjarri kallashnikov brenda tij.

Policia bën me dije se janë ngritur pika kontrolli në Rrugën e Kombit, në drejtim të Matit, të Lezhës, të Tiranës dhe të Krujës.

Njoftimi i plotë:

"Në qytet Milot, në sheshpushimin e një pallati, rreth orës 21:00, është qëlluar me armë zjarri në drejtim të automjetit tip fuoristradë “Land Chrysler”, brenda  të cilit ndodheshin shtetasit K. P., 28 vjeç dhe Y. B., 46 vjeç, banues në Kurbin, të cilët janë dërguar në Spitalin e Traumës, në Tiranë. Shtetasi K. P. ka ndërruar jetë. Në vendngjarje kanë shkuar menjëherë forca të shumta policie dhe grupi hetimor. Gjithashtu, nga forcat policore të Komisariateve të Policisë Kurbin dhe Lezhë, me mbështetje edhe nga grupet e FNSH Shkodër, po bëhet krehja e zonës dhe janë ngritur pika kontrolli, me qëllim kapjen e autorit/ëve.

Janë ngritur pika kontrolli në Rrugën e Kombit, në drejtim të Matit, të Lezhës, të Tiranës dhe të Krujës.  Në fshatin Gramëz, rrethi Krujë, është konstatuar duke u djegur një automjet, që dyshohet se është automjeti i përdorur nga autori/ët për kryerjen e kësaj ngjarjeje kriminale. Nga kqyrja paraprake, brenda tij,  janë gjetur 2 armë zjarri kallashnikovë.

Grupi hetimor, nën drejtimin e Prokurorisë së Rrethit Gjyqësor Kurbin, vazhdon veprimet hetimore, duke administruar çdo provë, pamje filmike, informacion si dhe dëshmi, për zbardhjen e plotë të rrethanave të ngjarjes."- njofton policia.


Në përputhje me standarded JTI

Video

SHIKO KANALIN NE YOUTUBE
×