KRONIKË NË ASFALT/ Shkëlqimi dhe rënia e Bella B.

 Kliko këtu për të tjera
Voxpress:

Goditën oficerët e BKH-së në Fier, prokuroria çon në gjyq dy nipërit e Agron Kapllanajt dhe një tjetër

18 Tetor 2025, 10:04Aktualitet SHKRUAR NGA REDAKSIA VOX
Agron Kapllanaj

Prokuroria pranë Gjykatës së Shkallës së Parë të Juridiksionit të Përgjithshëm Fier ka përfunduar hetimet dhe ka dërguar për gjykim Ledjan Kapllanajn, Klaudio Kapllanajn (nipërit e ish deputetit të PD Agron Kapllanaj) dhe Gerald Kollcakun, të akuzuar për veprën penale “Goditje për shkak të detyrës”, kryer në bashkëpunim.

Sipas hetimeve, ngjarja ndodhi më 15 prill 2025 në qytetin e Fierit, gjatë një operacioni hetimor të zhvilluar nga oficerë të Byrosë Kombëtare të Hetimit dhe Forcës Operacionale të Policisë së Shtetit.

Tre të rinjtë akuzohen se kanë ndaluar dhe dhunuar fizikisht efektivët, pavarësisht prezantimit të tyre si punonjës të ligjit.

Njoftimi i Policisë

Goditën oficerët e Byrosë Kombëtare të Hetimit, Prokuroria Fier dërgon për gjykim shtetasit K.K., L.K., dhe G.K.

Prokuroria pranë Gjykatës së Shkallës së Parë të Juridiksionit të Përgjithshëm Fier përfundoi hetimet dhe dërgon në gjyq shtetasit K.K., L.K. dhe G.K. për veprën penale “Goditje për shkak të detyrës”, në bashkëpunim, parashikuar nga neni 237/3 dhe 25 të Kodit Penal.

Në përfundim të hetimeve mbi procedimin penal nr. 509 të vitit 2025, të kryera në bashkëpunim me policinë gjyqësore, u arrit të provohet se, më datë 15.04.2025, punonjësit e policisë pranë Forcës Operacionale në Drejtorinë e Përgjithshme të Policisë, sëbashku me oficer të Byrosë Kombëtare të Hetimit kanë shkuar në qytetin e Fierit të planizuar me shërbim, me qëllim kryerjen e veprimeve hetimore.

Gjatë ditës sipas dinamikës kanë lëvizur në vende të ndryshme në qytetin e Fierit. Po në këtë datë, punonjësit e policisë janë ndjekur dhe më pas ndaluar nga të pandehurit, ku pavarësisht prezantimit të tyre si punonjës policie, të pandehurit, në bashkëpunim me njëri-tjetrin, me veprimeve aktive kanë ushtruar dhunë fizike ndaj oficerëve të policisë, për shkak të ushtrimit të detyrës së ligjshme të tyre.

Në lidhje me ngjarjen e mësipërme, të pandehurit janë arrestuar në flagrancë dhe janë hetuar me masë sigurimi “arrest në burg” dhe “arrest në shtëpi”.

Prokuroria pranë Gjykatës së Shkallës së Parë të Juridiksionit të Përgjithshëm Fier mbetet e angazhuar për të garantuar veprimtarinë e rregullt shtetërore, autoritetin shtetëror dhe shëndetin e personave që kryejnë një detyrë shtetërore, nga veprimet kriminale.


Në përputhje me standarded JTI

Video

SHIKO KANALIN NE YOUTUBE
×