ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

E rëndë në Sarandë, i riu egjiptian gjendet i pajetë në një banesë të braktisur!

5 April 2026, 15:34Aktualitet SHKRUAR NGA REDAKSIA VOX
E rëndë në Sarandë, i riu egjiptian gjendet i pajetë
Sarandë

Një 19-vjeçar, shtetas egjiptian, është gjetur pa shenja jete pranë një banese të braktisur në fshatin Nivicë, në orët e para të mëngjesit të datës 04.04.2026, pas njoftimit të shërbimeve të urgjencës mjekësore në Sarandë.

Sipas Policisë së Himarës, nga këqyrja paraprake e trupit nuk janë konstatuar shenja dhune dhe dyshohet se vdekja ka ardhur për shkaqe natyrore, ndërsa trupi është transportuar në morgun e IML-së në Tiranë për autopsi mjekoligjore dhe materialet i janë referuar prokurorisë për veprime të mëtejshme.

“Specialistët e Seksionit për Hetimin e Krimeve në Komisariatin e Policisë Himarë kryen veprimet e para hetimore, pasi më datë 04.04.2026, në orët e para të mëngjesit, shërbimet e urgjencës mjekësore në Sarandë kanë njoftuar se pranë një banese të braktisur në fshatin Nivicë, është konstatuar pa shenja jete shtetasi H. O., 19 vjeç, banues në Menia, Egjipt”, njofton policia.

Katër të rinj egjiptianë janë gjetur në fshatin Nivic të Sarandës, ku ishin strehuar gjatë natës në një banesë.

Sipas burime, me ta ndodhej edhe viktima 19-vjeçar, i cili kishte probleme shëndetësore dhe vuante nga diabeti, fakt i konfirmuar nga dëshmitarë dhe personeli shëndetësor.

Të rinjtë raportohet se ishin të lodhur, të raskapitur dhe të paushqyer.

Punonjësit e policisë u kanë dhënë ndihmën e parë, ushqim dhe veshmbathje, ndërsa më pas janë shoqëruar në qendrën e pritjes në Qafë Botë, Sarandë.

Ky është rasti i dytë në 24 orët e fundit kur emigrantë të huaj zbulohen të vdekur në territorin shqiptarë.

Dy emigrantë me origjinë nga Afrika u gjetën pa shenja jete në malin e Kamenicës në Korçës pasditen e të shtunës.

Temperaturat e ulta besohet të jetës shkaku i humbjes së jetës të tyre.


Në përputhje me standarded JTI

Video

SHIKO KANALIN NE YOUTUBE
×