KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

"Alfred Shehu thelloi skandalin"/ Doçi ankimon vendimin për mosnisjen e hetimeve ndaj Brahos dhe Nakuçit: Ja pyetjet pa përgjigje

30 December 2022, 21:05Aktualitet SHKRUAR NGA REDAKSIA VOX
"Alfred Shehu thelloi skandalin"/ Doçi ankimon vendimin
Adriatik Doçi

Gazetari Adriatik Doçi ka ankimuar në Gjykatën e Posaçme vendimin e prokurorit të SPAK, Alfred Shehu, i cili vendosi të mos niste procedim penal për padinë ndaj dy kolegëve të tij, Klodian Braho dhe Ened Nakuçi, për fshehjen e provave që implikonin ish-ministrin Arben Ahmetaj në aferën e inceneratorëve, siç ishin faturat e hoteleve luksoze të paguara nga biznesmeni Klodian Zoto.

Lajmin e ka bërë me dije vetë Doçi përmes një postimi në rrjetet sociale, ku shkruan se prokurori Alfred Shehu e mori vendimin në një kohë rekord prej 13 ditësh dhe pa kryer asnjë verifikim.

Gazetari e cilëson si një thellim të skandalit këtë vendim dhe se prokurori Alfred Shehu, në vend që të kryente një verifikim elementar të pretendimeve në kallëzim, ka bërë bërë një ese të paprecedentë, duke folur për çështje psikologjike, ndjesi, kompeteca të ditura dhe bindje të brendshme të dy prokurorëve.

Në postimin e tij, Adriatik Doçi rendit edhe pyetjet që nuk iu dha përgjigje prokurori Alfred Shehu mbi fshehjen e provave nga ana e prokurorëve të SPAK, Klodian Braho dhe Ened Nakuçi për Arben Ahmetajn dhe mos marrjen e këtij të fundit si të pandehur.

Reagimi i plotë:

Sot ankimova në Gjykatën e Posaçme kundër Korrupsionit dhe Krimit të Oraganizuat vendimin e prokurorit të SPAK, Alfred Shehu, i cili pa kryer asnjë verifkim dhe në një kohë rekord prej 13 ditësh, vendosi mosfillimin e procedimit penal për dy kolegët e tij, Klodian Braho dhe Eneid Nakuçi, të kallëzuar nga unë për shpërdorim detyre dhe veprime që pengojnë zbulimin e të vërtetës për çështjen e inceneratorëve.

Klodian Braho dhe Eneid Nakuçi, duke shpërdoruar detyrën, minuar barazinë para ligjit, mbrojtur korrupsionin në nivele të larta dhe cënuar besimin e publikut tek SPAK-u, kanë fshehur faktet penale që implikojnë ish ministrin Arben Ahmetaj në të ashtuquajturën afera e inceneratorëve, duke devijuar hetimet dhe ngarkuar me përgjegjësi penale zyrtarë të nivelit të dytë.
Faktet janë pagesat korruptive me vlerë mijëra euro të Klodian Zotos për mbulimin e shpenzimve të akomodimit të Arben Ahmetajt në hotelet me 5 yje të Evropës, pasi Ahmetaj kishte firmosur për koncensionin e inceneratorëve, ku përfituese ishte kompania me pronar Klodian Zoton.

Pagesat kompromentuese janë zbuluar nga rikuperimi i të dhënave nga hetuesit në 3 kompjuterat dhe telefonin e Zotos. Pagesa të së njëjtës natyrë janë bërë pjesë e dosjes hetimore për Etleva Kondin, ish drejtoreshë e koncensioneve në Ministrinë e Energjitikës dhe anëtarë e Komisiomit të Vlersimit të Ofertave për inceneratorët e Elbasanit dhe Fierit. Kondi është marrë e pandehur nga SPAK.

Çuditërisht, të njëjtat pagesa, të zbuluara në të njëjtët kompjutera për Arben Ahmetaj, jo vetëm nuk janë pjesë e fashikujve hetimorë, por janë mbuluar dhe zhdukur me qëllim për të shpëtuar nga përgjegjësia penale ish ministrin, i cili po del se është pronari real i incenetatorëve.

Ligji penal dhe procedural penal është zbatuar për ish zyrtaren e nivelit të mesëm Etleva Kondin, por jo për zyrtarin e nivelit të lartë Arben Ahmetajn. I vetmi fakt flagrant korruptiv në historinë e çështjes së inceneratorëve ishin pagesat e Klodian Zotos. Pikërisht fakti më i rëndësishëm është fshehur.

Skandali u thelluar nga Prokurori i SPAK, Alfred Shehu, i cili në vend që të kryente një verifikim elementar të pretendimeve në kallëzim, ka bërë bërë një ese të paprecedentë, duke folur për çështje psikologjike, ndjesi, kompeteca të ditura dhe bindje të brendshme të dy prokurorëve.

Një proces hetimor nuk është një hartim, subjekt letrar apo përshtjellim ndjenjash. Nuk është as riptodhim nenesh.
Pa kryer asnjë veprim verifikues, prokurori Alfred Shehu thotë se fakti i fshehjes së provave nga dy prokurorët nuk ekziston, se çështja është nën hetim dhe se dy prokurorët kanë krijuar bindjen e brendshme për të mos marrë nën hetim Arben Ahmetajn.

1. Prokurori Alfred Shehu flet në vendimin e tij për kompetencat e prokurorëve, hetimet dhe bindje të brendshme. Thelbi i kallëzimit nuk ka të bëjë me hetimet dhe as kompetencat, por me fshehjen e fakteve të reja nga dy prokurorët Klodian Braho dhe Eneid Nakuçi.

2. Prokurori Alfred Shehu thotë se janë ndarë hetimet në shtator 2022 për verifikimin e përgjegjësisë penale të zyratëve dhe ish zyrtarëve të tjerë. Jo vetëm Arben Ahmetaj, por as Ministria e Ekonomisë nuk figuron në ndarjen e procedimit në shtator 2022.

Nuk ka përgjigje:

Çfarë provash janë gjetur nga kompjuterat e Klodian Zotos? Cilat prova janë përfshirë në fashikullin hetimor dhe cilat jo?
Pse pagesat e Zotos për Etleva Kondin janë përfshirë në doje, ndërsa pagesat për Arben Ahmetajn nuk janë përfshirë?
Pse nuk pyeten dy prokurorët Klodin Braho dhe Eneid Nakuçi se çfarë kanë bërë me faktin e pagesave të Zotos për llogari të Ahmetajt?
Çfarë veprimi ndërmorrën kur u njohën me këtë fakt dhe cili ishte vlerësimi i tyre?
Pse Ministria e Energjitikës dhe e Drejtësisë janë përfshirë në ndarjen e procedimit të shtatorit 2022, ndërsa ministritë e Financave dhe Ekonomisë, të drejtuara nga Ahmetaj nuk janë përfshirë, kur në proces kanë marrë pjesë të gjitha?
Pse nuk hetohet e bashkuar çështja e inceneratorëve, nga një grup prokuroësh, por ndahet në degë të ndryshme herë pas here, duke e kthyer hetimin në telenovelë.
A po i shërbejnë dy prokurorët Ahmetajt, Ilir Metës dhe Lulzim Bashës, duke shkatërruar hetimin për çështjen e inceneratorëve, për të shpëtuar kokat?
Çfarë duhet të ndodhë tjetër që dy prokurorët e çështjes të zëvëndësohen dhe hetimet të rinisin nga fillimi, pa fshehje provash dhe gjueti shtrigash?!

Galeria fotografike (
)


Në përputhje me standarded JTI

Video

SHIKO KANALIN NE YOUTUBE
×