LIFESTYLE / Modelja Thëngjille Kaushi pushton faqet e shtypit agro-ushqimor

 Kliko këtu për të tjera
Voxpress:

Agron Shehaj denoncon: Rama po i fal 1 milion m2 tokë në Vlorë “Osmanit”

1 Korrik 2026, 18:19Aktualitet SHKRUAR NGA REDAKSIA VOX
Burak Ozçivit

Kryetari i Partisë Mundësia, Agron Shehaj, denoncoi sot një vendim të qeverisë, përmes të cilit, sipas tij, Edi Rama ka shpallur investitor strategjik kompaninë RAMS Albania, duke i dhënë rreth 88.8 hektarë (gati 1 milion m²) tokë në Vlorë.

Gjatë deklaratës së tij, Shehaj publikoi dokumentin e vendimit të qeverisë dhe tha se kompania ka si përfaqësues publik aktorin turk të njohur si “Osmani”, duke e cilësuar këtë si një tjetër rast të dhënies së pronës publike për interesa të Ramës.

“Tani, është e qartë që Edi Ramës i ka ardhur fundi dhe po kërkon në çdo mënyrë të shpëtojë, t’i shpëtojë drejtësisë dhe të mbajë pushtetin”, thekson Shehaj.

Shehaj i referohet një vendimi të Këshillit të Ministrave që po qarkullon gjerësisht në rrjet, ku thuhet se qeveria shqiptare ka miratuar transferimin e 88.5 hektarëve tokë shtetërore në qytetin e Vlorës, e cila do të vihet në dispozicion të kompanisë “RAMS Albania” për zhvillimin dhe realizimin e projektit të investimit strategjik të quajtur “Vlorë TEDA/RAMS Free Zone”, ku do të ndërtohet një zonë e lirë ekonomike.

Kompania në fjalë rezulton të jetë pronësi të Mehmet Faruk Burbul, pronar i korporatës ndërkombëtare gjigante “RAMS Global” me seli në Almaty të Kazakistanit

Dyshimet për përfshirjen e aktorit turk janë ngritur nga fakti se prej marsit të vitit 2025, Burak Ozçivit u shpall zyrtarisht imazh dhe partner zyrtar i “RAMS Global” në disa projekte të mëdha ndërkombëtare në Irak dhe Kazakistan.

Kujtojmë se sezonin veror të vitit të kaluar aktori turk ishte me pushime në Vlorë.

 

 

 


Në përputhje me standarded JTI

Video

SHIKO KANALIN NE YOUTUBE
×