KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

10-vjeçari që u vra tragjikisht nga xhaxhai në Shkodër do të prehet në Itali, komuniteti italian: Jemi të shokuar

12 August 2022, 13:14Aktualitet SHKRUAR NGA REDAKSIA VOX
10-vjeçari që u vra tragjikisht nga xhaxhai në Shkodër do
Foto ilustruese

Mediat italiane i kanë kushtuar vëmendje tragjedisë së ndodhur tre ditë më parë në Shkodër, ku  68-vjeçari Vlash Jakaj vrau nipin e tij 10-vjeçar duke pastruar çiften.

I mituri ishte me pushime me familjen e tij në vendlindje, me prindërit dhe vëllain e madh, pasi ata jetonin dhe punonin prej vitesh në qytetitn e Serravalle Pistoiese në Pistoa.

La nazione shkruan se komuniteti është i tronditur nga lajmi tragjik pasi vogëlushi ishte tepër i dashur dhe miqësor në vendin ku banonte. Sipas tyre familja e ka nisur trupin e 10-vjeçarit për ta varrosur në Itali, ku lindi dhe e kaloi jetën e tij të shkurtër duke kultivuar miqësitë e tij të para. 

“Ne u tronditëm nga ky lajm tragjik”, tha Arbëria, shoqata e komunitetit shqiptar të Pistoias. Komunitet shumë i shumtë në territorin krahinor, i rrënjosur dhe i integruar mirë, i cili sigurisht nuk do të mungojë të mobilizohet për të mbështetur familjen Jakaj.

Vlash Jakaj është 68-vjeçari që vrau aksidentalisht nipin e tij këtë mbrëmje. Ngjarja e rëndë ndodhi në fshatin Samrisht në zonën administrative të Dajçit në Shkodër. Rreht orës 21:55, Jakaj e ka thirrur nipin e tij, vetëm 10 vjeç që ta ndihmonte me pastrimin e armës. Të dy nisën ta pastronin çiften që 68-vjeçari e kishte me leje dhe në proces e sipër arma u shkreh dhe plagosi 10-vjeçarin. I vogli u dërgua në spital, por rrugës ndërroi jetë. Nga e shtëna, ka mbetur i plagosur edhe vetë Jakaj. Aktualisht ai ndodhet në spital. 

Nga rikonstruksionet e para të policëve të mbërritur në vendngjarje, duket se fëmija është vrarë nga një armë gjahu e qëlluar aksidentalisht nga xhaxhai i tij. Burri, i cili sapo po pastronte armën e tij, plagosi rëndë edhe dorën. Por gjithçka u shua në plan të dytë pasi kuptoi se nipi i tij ishte vrarë. 


Në përputhje me standarded JTI

Video

SHIKO KANALIN NE YOUTUBE
×