KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Van Gaal, akuza tronditëse Fifa: Messi duhej ta fitonte Kupën e Botës. U vendos në tavolinë

5 September 2023, 16:58Sport SHKRUAR NGA REDAKSIA VOX
Van Gaal, akuza tronditëse Fifa: Messi duhej ta fitonte Kupën e
Louis van Gaal dhe Messi

Ish-trajneri i Holandës, Louis van Gaal ka bërë një akuzë të fortë duke deklaruar se Kupa e Botës Katar 2022 u stis në mënyrë që të ndihmonte Lionel Messin ta fitonte trofeun.

Shtatë herë fituesi i “Topit të Artë”, udhëhoqi Argjentinën drejt lavdisë në Dhjetor 2022, duke shënuar dy herë në finalen kundër Francës të fituar 4-2 në stadiumin Lusail.

Albiçelestet mundën Holandën e drejtuar nga Van Gaal në çerekfinale.

Një sfidë e tensionuar, e vendosur vetëm nga penalltitë dhe e karakterizuar nga shumë momente tensioni, përfshirë përballjen mes trajnerit holandez dhe ylli argjentinas Lionel Messit.

“Nuk dua të flas shumë për të! Kur e shikon sesi Argjentina i shënon golat dhe si i shënojmë ne golat dhe sesi disa lojtarë të Argjentinës e kaluan kufirin dhe nuk u ndëshkuan, atëherë mendoj se gjithçka ishte e paramenduar. Çfarë dua të them? Që Messi duhej të bëhej kampion bote? Unë kështu mendoj, po!”

Deklarata e ish-teknikut të “tulipanëve” u bë gjatë ceremonisë së dhënies së çmimeve “Eredivisie”, ku 72-vjeçari u vlerësua për kontributin e dhënë në futbollin holandez.


Në përputhje me standarded JTI

Video

SHIKO KANALIN NE YOUTUBE
×