ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Reagimet/ Reichart dhe Perez: Futbolli është i lirë! UEFA, Bayern, United, PSG dhe Atletico kundër Superligës

21 December 2023, 17:23Sport SHKRUAR NGA REDAKSIA VOX
Reagimet/ Reichart dhe Perez: Futbolli është i lirë! UEFA,
Perez, Reichart dhe Laporta

Bernd Reichart, CEO i ‘A22 Sports’, që po punon për formatin e ri të Superligës, entuziast pas lajmit. Në Francë gjykojnë se asgjë nuk do të ndryshojë, kurse në Spanjë e quajnë egoist modelin e Superligës.

“Kemi fituar të drejtën të organizojmë kompeticione. Monopoli i UEFA-s ka marrë fund. Futbolli është i lirë. Klubet tani janë të lirë, nuk ka më kërcënime për sanksione. Jemi të lirë të vendosim për të ardhmen”, – ka thënë Bernd Reichart, Ceo i ‘A22 Sports’.

Pas lajmit të bujshëm, drejtuesi i kompanisë që po zhvillon projektin e ri të Superligës, ka shtuar: “Për tifozët propozojmë versionin gratis të të gjitha ndeshjeve të Superligës. Për klubet të ardhurat dhe shpenzimet e solidaritetit janë të garantuara”.

UEFA: Sentenca nuk është aprovim i Superligës

Një orë pas vendimit ka ardhur edhe reagimi i UEFA-s në lidhje me rekursin e fituar nga Superliga. Qeveria e futbollit europian nuk duket e tronditur nga ky vendim. “Sentenca nuk implikon aprovimin apo vlefshmërinë e së ashtuquajturës ‘Superligë’. Më tepër vë në dukje një mangësi historike në kuadrin e para-autorizimit të UEFA-s, një aspekt teknik që është diskutuar dhe njohur që në qershor të 2022-shit. UEFA është besimplotë në soliditetin e rregullave të saj të reja”, – shkruhet në komunikatën e institucionit që drejtohet nga Ceferin.

“Sentenca nuk ndryshon asgjë, sepse projekti i Superligës nuk mund të konkretizohet. Nuk ka klube franceze dhe gjermane, nuk besoj se do të ketë edhe italiane. Bëjeni me Barcelonën, Realin dhe Porton, të shohim. Nga do të vinë të ardhurat? Nuk mendoj se është një mundësi”, – ka thënë Jaume Roures, aksioner në mazhorancë i ‘Mediapro’, pranë Ligue 1 në Francë.

Perez: Ditë e madhe dhe historike

Pas njohjes së vendimit të Gjykatës së Drejtësisë së Bashkimit Europian, vjen dhe reagimi i presidentit të Realit të Madridit, Florentino Perez, promotor i idesë së krijimit të Superligës së Europës.

“Te Reali i Madridit e mirëpresim vendimin e GJED-së. Në ditët në vijim do të studiojmë shtrirjen e kësaj rezolute.

Së pari, futbolli evropian nuk do të jetë monopol. Së dyti, klubet do të jenë zotëruesit e fatit të tyre. E shohim mundësi për të promovuar garat.

Sot triumfon Europa e lirisë, futbollit dhe tifozëve të saj. Sot mbizotëron ligji dhe liria. 70 vjet më parë ne kemi hedhur tashmë një hap themelor me krijimin e Kupës së Evropës.

Do të mbrojmë një projekt modern dhe të përputhshëm me kompeticionet kombëtare. Do të forcojë në mënyrë efektive respektin për “fair-play-n financiar”. Do të mbrojë lojtarët dhe do të emocionojë tifozët. Fushatat do të intensifikohen nga sot.

Askush nuk tha se fundi i një monopoli ishte i thjeshtë. Do të jetë një futboll në lartësinë e Shekullit XXI. Ne do të punojmë pa kërcënime, pa vepruar kundër asgjëje dhe askujt. Nga sot e tashmja dhe e ardhmja janë në duart e klubeve dhe tifozëve të tyre. Është një ditë e madhe për historinë e futbollit dhe sportit.”

Barcelona dhe Real Madrid përshëndetën vendimin e Gjykatës së Drejtësisë Europiane. Ndërkohë që klube si Manchester United, Bayern Munich, Atletico Madrid dhe PSG janë kundër.

“Qëndrimi ynë nuk ka ndryshuar. Ne mbetemi plotësisht të përkushtuar ndaj pjesëmarrjes në garat e UEFA-s dhe bashkëpunimit pozitiv me UEFA-n, Premier League dhe klubet e tjera. Përmes ECA-s (Shoqata e Klubeve Europiane) për zhvillimin e vazhdueshëm të garës europiane”, lexohet në komunikatën e “Djajve të Kuq”.

Ndërkohë që Bayerni reagoi nëpërmjet Christian Dreesen, administratori i deleguar i kampionëve të Gjermanisë dhe zv. presidenti i ECA-s.

“Vendimi i Gjykatës nuk e ndryshon qëndrimin tonë dhe atë të ECA-s. Një kompeticion i tillë do të përfaqësonte një sulm ndaj rëndësisë së ligave kombëtare dhe situatës së futbollit europian. Bundesliga përbën bazën e Bayernit, ashtu si të gjitha ligat kombëtare përbëjnë bazën e klubeve europiane të futbollit. Prandaj është detyra dhe bindja jonë e thellë t’i forcojmë dhe jo t’i dobësojmë”.


Në përputhje me standarded JTI

Video

SHIKO KANALIN NE YOUTUBE
×