KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Partizani mposht mes spektaklit Laçin, Kastrioti fiton pas 10 vitesh në Shkodër

4 April 2022, 20:42Sport SHKRUAR NGA REDAKSIA VOX

Partizani mposht mes spektaklit Laçin, Kastrioti fiton pas 10 vitesh

Java e 27-të e Superiores mbyllet me dy sfida që prodhuan spektakël dhe dramë në fushën e lojës.

Në “Elbasan Arena”, Partizani rigjeti 3 pikët në një ndeshje shumë të bukur ndaj Laçit, me këta të fundit që mund të thuhet se janë në krizë pasi bëhen 6 ndeshje pa fitore në kampionat.

2-1 ishte rezultati final për të kuqtë që bënë më mirë me rastet e shfrytëzuara në një ndeshje të luajtur shumë hapur nga të dyja ekipet.

Që në minutën e 10’ Enea Bitri kaloi përpara Partizanin me një gjuajtje me kokë teksa Laçi iu përgjigj me disa raste shumë të mira që nuk u shfrytëzuan nga Mazrekaj.

Gjithsesi, golin e gjetën menjëherë në pjesën e dytë kurbinasit kur Adeleke i sapo futur në lojë mposhti Alban Hoxhën.

Në 58’ rikthehen në avantazh vendasit pas një ndërhyrje shumë të gabuar të Velkovskit dhe Skuka nga pika e bardhë nuk gabon. Ndeshja është e hapur dhe me raste teksa në fund gjithsesi triumfon skuadra e Mehmetit 2-1.

E pabesueshme ajo që ndodhi në “Loro Boriçi”, ku Kastrioti arrin pas 10 vitesh të mposhtë Vllazninë në Shkodër. Me Plorin në stol kuqeblutë nuk kanë marrë ende një fitore dhe sot u përmbysën në shtëpi nga Kastrioti ose më saktë nga Edon Hasani që me një dygolësh i dha 3 pikë Kastriotit.

Pas një pjese të parë të mirë për vendasit por pa gola të shënuar, Vllaznia në 46’ arrin te goli me Aralicën pas pasimit të Hoxhaj. Vendasit krijojnë sërish dhe nuk arrijnë të dyfishojnë teksa miqtë gjejnë golin e barazimit pas një rrëmuje në zone me Edon Hasanin.

Ky i fundit jo vetëm që barazoi por në 86’ i jep dhe goditjen e fundit Vllaznisë me një supergol nga distance për ta kthyer ndeshjen 2-1 me Kastriotin që merr kështu 3 pikë shumë të rëndësishme për mbijetesën.


Në përputhje me standarded JTI

Video

SHIKO KANALIN NE YOUTUBE
×