VETËM PËR LEXUES PROFESIONISTË/ Fakte të reja tronditëse mbi pasojat e pezullimit të Bella Ballukes mbi popullin e thjeshtë!

 Kliko këtu për të tjera
Voxpress:

Messi nuk e ka të sigurt pjesëmarrjen në Botëror: Nuk dua të jem barrë për Argjentinën

11 Nëntor 2025, 21:22Sport SHKRUAR NGA REDAKSIA VOX
Leo Messi

Leo Messi ende nuk e ka të qartë nëse do të jetë pjesë e Kupës së Botës 2026 dhe as se kur do të tërhiqet nga futbolli i luajtur.

38-vjeçari së fundmi ka nënshkruar një zgjatje kontrate me Inter Miami deri në vitin 2028. Në atë kohë, ai do të ketë kaluar të 40-at.

Gjatë një interviste për gazetën spanjolle “Sport”, Messi shpjegoi se ai dhe familja e tij po shqyrtojnë edhe mundësinë e një kthimi të mundshëm në kryeqytetin katalanas.

“Në momentin që shoh se nuk jam në formë fizike, se po has vështirësi në fushë, ose se nuk po e shijoj më, ai do të jetë momenti për t’i dhënë fund. Por tani për tani po e shijoj, ndihem mirë dhe do të vazhdoj”, tha ai.

Tetë herë fituesi i “Topit të Artë” ka lënë të kuptohet më herët se nuk është i sigurt nëse do ta arrijë Kupën e Botës 2026, pas një ndeshjeje që u konsiderua si e mundshme lamtumire në Buenos Aires këtë vit.

“Nuk dua të jem, si të thuash, një barrë. Dua të ndihem mirë fizikisht, të jem i sigurt se mund të ndihmoj dhe të kontribuoj në grup, në skuadër. Jam i vetëdijshëm se është një Kupë Bote, e veçantë, dhe se Botërori është kompeticioni më i madh që ekziston. Pra, jam i emocionuar, por e marr një ditë pas dite”, u shpreh ai.

Messi ka humbur katër nga shtatë ndeshjet e fundit me Argjentinën këtë vit.

Ndërkohë, këtë sezon me Inter Miami, ai ka arritur të shënojë 42 gola dhe të japë 20 asiste në 46 ndeshje.


Në përputhje me standarded JTI

Video

SHIKO KANALIN NE YOUTUBE
×