Incidenti! Kolumbiani godet shqiptarin te litarët, tifozët pushtojnë ringun dhe godasin boksierin e huaj (VIDEO)

Në Parkun Olimpik “Feti Borova” ndërsa po zhvillohej ndeshja mes Denis Nurja në peshën 71 kg, përballë kolumbianit Placido Ramirez ka ndodhur një incident i rëndë

Në një moment gjatë dyluftimit Nurja bie në ring dhe në një moment befasie kur Nurja qëndron te litarët kolumbiani e godet me grusht në fytyrë duke e rrëzuar në ring.

Në këtë moment rreth 30 tifozë futen në ring për të sulmuar me grushte kolumbianin.

Ndeshja u mbyll në mes dhe nuk ka asnjë fitues.

Pritet që në ring të zhvillohen edhe dy ndeshjet e tjera, ku më e rëndësishmja është ajo ku kampioni Nelson Hysa sfidon në ring Viktar Chvarkou për titullin WBC në eventin unik të “BS Boxing”.