KRITIKU/ Eksperti i pavarur: Kryeministri gënjen, performanca e qeverisë nuk është shumë e mirë, por e shkëlqyer!

 Kliko këtu për të tjera
Voxpress:

Edon Zhegrova merr numrin e legjendës së Juventusit: Ndihem i nderuar që e vesh këtë fanellë

2 Shtator 2025, 17:25Sport SHKRUAR NGA REDAKSIA VOX
Edon Zhegrova

Edon Zhegrova ka nënshkruar kontratë afatgjatë me Juventusin, që do ta mbajë të lidhur me klubin deri në qershor të vitit 2030. Në fanellë, sulmuesi kosovar do të mbajë numrin 11, të veshur më parë nga legjenda çeke e klubit torinez, Pavel Nedved.

Edon Zhegrova ka dhënë edhe intervistën e parë si lojtar i Juventusit, duke nënvizuar lumturinë e këtij transferimi.

“Është si një ëndërr për mua, një moment i mrekullueshëm për mua dhe familjen time. Ndihem i nderuar që e vesh këtë fanellë dhe do ta vesh me shumë krenari. Do t’i jap më të mirën këtij ekipi”, u shpreh Zhegrova për faqen zyrtare të klubit.

Si ndiheni për këtë kalim te Juventusi?

Sinqerisht, për mua është si një ëndërr. Është një moment i jashtëzakonshëm për mua dhe familjen time. Jam shumë krenar ta vesh këtë fanellë, do ta mbaj me shumë përgjegjësi, duke dhënë maksimumin për skuadrën.

Çfarë lloj lojtari jeni dhe cili është roli juaj i preferuar?

Më pëlqen të luaj si anësor, të shënoj, të dribloj, të jap asistime dhe ta ndihmoj skuadrën me cilësitë e mia.

Jeni përballur me Juventusin më parë. Si ndiheni tani që jeni pjesë e tij?

Vitin e kaluar luajtëm një ndeshje të madhe, Juve ishte kundërshtar i vështirë. Tani jam shumë i lumtur që ndodhem këtu dhe mezi pres t’iu bashkohem shokëve të mi të rinj.

Cilat janë objektivat tuaj?

Shpresoj të shënoj sa më shumë dhe, mbi të gjitha, të fitoj trofe. Mendoj se me këtë skuadër mund t’i arrijmë, duke parë cilësinë që kemi.

Çfarë mesazhi keni për tifozët bardhezinj?

I përshëndes të gjithë. Mezi pres t’i takoj në stadium. Spektakli po nis.


Në përputhje me standarded JTI

Video

SHIKO KANALIN NE YOUTUBE
×