KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

PD depoziton projektligjin në Kuvend: Kompanitë offshore të mos përfitojnë më tendera, fshihen qeveritarët pas tyre

7 October 2022, 17:31Politikë SHKRUAR NGA REDAKSIA VOX
PD depoziton projektligjin në Kuvend: Kompanitë offshore të mos
Selia e PD

Deputeti Agron Shehaj ka depozituar ditën e sotme në Kuvend në emër të Partisë Demokratike një projektligj që i ndalon automatikisht të gjitha kompanitë offshore me pronarë sekret të përfitojnë kontrata publike në Shqipëri.

Sipas zyrës së shtypit të PD-së, ky projektligj i jep fund njëherë e mirë gropës më të madhe të korrupsionit sot në Shqipëri, asaj të dhënies së tenderave, koncensioneve dhe aseteve publike tek kompani guacka me pronarë të fshehtë, pas të cilave fshihen pushtetarë dhe qeveritarë. Shehaj iu ka bërë thirrje të gjithë kolegëve që të miratojnë këtë nismë ligjore.

Njoftimi i zyrës së shtypit të PD:

Deputeti Agron Shehaj ka dorëzuar sot ne Kuvendin e Shqipërisë, në emër të Partisë Demokratike, projektligjin i cili ndalon automatikisht të gjitha kompanitë offshore me pronarë sekret të përfitojnë kontrata publike në Shqipëri.

Në draftin e hartuar së bashku me një grup kolegësh, thuhet se ky projektligj i jep fund njëherë e mirë gropës më të madhe të korrupsionit sot në Shqipëri, asaj të dhënies së tenderave, koncensioneve dhe aseteve publike tek kompani guacka me pronarë të fshehtë, pas të cilave fshihen pushtetarë dhe qeveritarë.

Shehaj thekson se ndalimi me ligj i kompanive offshore për të përfituar fonde publike është një model që së fundmi ka nisur të zbatohet nga vendet që janë përpara në luftën ndaj korrupsionit.

Deputeti demokrat i bën thirrje të gjithë kolegëve të tjerë, përfshirë atyre në maxhorancë, që të ngrihen mbi interesat e tyre politike dhe të votojnë për të miratuar këtë nismë ligjore, në mënyrë që t’i jepet fund një herë e mirë aferave të tmerrshme korruptive përmes offshor-eve.

ZYRA E SHTYPIT DHE KOMUNIKIMIT, PARTIA DEMOKRATIKE


Në përputhje me standarded JTI

Video

SHIKO KANALIN NE YOUTUBE
×