ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Berisha zbulon detaje nga vizita që do zhvillojë në Gjermani dhe zbardh tre variante për Primaret

27 January 2025, 15:19Politikë SHKRUAR NGA REDAKSIA VOX
Berisha zbulon detaje nga vizita që do zhvillojë në Gjermani dhe
Sali Berisha

Në një konferencë për shtyp, kryetari i Partisë Demokratike, Sali Berisha zbuloi më shumë rreth vizitës që do të zhvillojë në Gjermani.

“Jam i ftuar për të marrë pjesë si kryetar i partie në kongresin elektoral të CDU-së. Ky kongres është njëditor ose më pak mund të jetë. Janë të ftuar kryetarë të partive anëtarë të Partive Popullore. Mendova të organizoj takim tjetër me shqiptarë, por koha nuk më premton kështu që do shkoj herë tjetër për të takuar emigrantët në Gjermani”, tha Berisha.

Ai pohoi se në të ardhmen ka një axhendë për t’u takuar me diasporën. 

“Do i njoftoj takimet. Kam një axhendë për të takuar”, tha Berisha.

Ndërkohë, ethet e garës brenda Partisë Demokratike kanë nisur të shfaqen, ku disa drejtues degësh kanë dorëzuar dorëheqjet për t’u bërë pjesë e Primareve. Pavarësisht procesit të nisur, ende nuk është marrë një vendim se si do shkohet në Primare, ku në tryezën e Sali Berishës janë tre variante.

“Ka një variant që të jenë degësh. Ka një variant tjetër që të jenë qarku. Ka një propozim që të jenë listë kombëtare”, tha Berisha gjatë konferencës për mediat.

Lideri i demokratëve u mundua që të mos mbante një qëndrim se cili variantin do preferonte ai vetë, por sërish tregoi se nga mund të anojë vota në Këshillin Kombëtar.

“Sigurisht lista kombëtare është listë kombëtare, por gjersa sistemi është rajonal unë besoj se je i detyruar të respektosh sistemin rajonal. A mund të shartohen dhe të përdoret votë e dyfishtë? Nuk mund ta them këtë, duhet ta mendojmë me ekspertë dhe specialistë...”

Berisha paralajmëroi dhe ndryshimin e statutit të Partisë Demokratike për të shpëtuar drejtuesit politik nga primaret.

“Unë u kam thënë se do vendosë Këshilli Kombëtar se si do veprohet me drejtuesit e qarqeve. Si e gjykon Këshilli Kombëtar, unë nuk mund ta marrë përsipër. Por një drejtues është një drejtues dhe nuk ka mbirë aty, ka ardhur aty nga procese votimesh dhe votëbesimesh. Kështu se si do jetë...”.

Kryetari i opozitës pohoi se do të konsultohet sërish me juristët e partisë përpara se të vendosë se cilin udhëzim për primaret do të dërgojë për miratim në Këshillin Kombëtar.


Në përputhje me standarded JTI

Video

SHIKO KANALIN NE YOUTUBE
×