KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Balla prezanton kreun e ri të AMP-së, paralajmëron policët: Kush ka përdorur aplikacione të koduara...

24 November 2023, 17:22Politikë SHKRUAR NGA REDAKSIA VOX
Balla prezanton kreun e ri të AMP-së, paralajmëron policët:
Ministri i Brendshëm Taulant Balla dhe drejtori i ri i AMP-së, Florian Sulejmani

Ministri i Brendshëm Taulant Balla ka prezantuar sot kreun e ri të Agjencisë së Mbikëqyrjes Policore, Florian Sulejmani.

GJatë fjalës së tij, Balla tha se punonjësit e policisë që do të rezultojnë se kanë përdorur aplikacionet e koduara “SKY” dhe Encro Chat”, do të përjashtohen nga Policia e Shtetit, nëse nuk e deklarojnë në një formular të posaçëm vetëdeklarimi.

“T’i japim dinjitetin dhe respektin e merituar në shoqëri, organizatës së Policisë së Shtetit. Sa i përket fenomenit të aplikacioneve të koduara, kam kërkuar që verifikimi i përdorimit nga punonjësit e policisë, të jetë pjesë e formularit të vetëdeklarimit. Në rast deklarimi të rremë, do të përjashtohen menjëherë nga Policia e Shtetit. Procesi i vettingut në Policinë e Shtetit është një proces shumë i rëndësishëm, kush tërhiqet nga ky proces, nuk ka më vend në Policinë e Shetit.

Ne hapëm një procedurë konkurrimi publike për përzgjedhjen e kandidatit. Dua të falënderoj të gjithë ata që u përfshinë në këtë proces dhe të gjithë kandidatët e shumtë për besimin që i dhanë këtij procesi”, deklaroi Balla.

Edhe kreu i ri i AMP-dë, Sulejmani, u zotua se do të punojë për të çuar para përgjegjësisë ata punonjës të policisë që kanë lidhje me krimin e organizuar dhe grupet kriminale.

Ai gjithashtu paralajmëroi hartimin e një formulari ku punonjësit e policisë do të deklarojnë nëse kanë përdorur mesazhet e koduara, që shpesh në të kaluarën janë përdorur nga grupe kriminale që operojnë në Shqipëri dhe jashtë vendit.

“Ne do të përgatisim një formular, ku punonjësit e policisë do të deklarojnë nëse kanë akses në aplikacionet “SKY” dhe “ENCRO”. Në këtë mënyrë do t’i identifikojmë të gjithë që kanë patur akses”, tha Sulejmani.


Në përputhje me standarded JTI

Video

SHIKO KANALIN NE YOUTUBE
×