ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Telefonata që po shkatërron dinastinë Shinawatra, Gjykata rrëzon nga pushteti kryeministren tajlandeze

29 August 2025, 17:29Kosova&Bota SHKRUAR NGA REDAKSIA VOX
Telefonata që po shkatërron dinastinë Shinawatra, Gjykata
Paetongtarn Shinawatra

Politika e Tajlandës është futur sërish në kaos pas vendimit të Gjykatës Kushtetuese për të shkarkuar kryeministren Paetongtarn Shinawatra, duke i dhënë një goditje të rëndë dinastisë më të fuqishme politike të vendit.

Paetongtarn, u rrëzua nga posti për shkelje të etikës pas publikimit të një telefonate në qershor, ku dëgjohej duke e quajtur ish-kryeministrin e Kamboxhias, Hun Sen, “xhaxha” dhe duke kritikuar ushtrinë tajlandeze, në një kohë kur tensionet kufitare mes dy vendeve po përshkallëzoheshin. Telefonata u bë publike nga vetë Hun Sen, duke i shkaktuar dëme të mëdha reputacionit të saj.

Në vendimin e shpallur të premten, gjykata argumentoi se Paetongtarn kishte krijuar një “marrëdhënie personale” që dukej se përputhej me interesat e Kamboxhias.

39-vjeçarja e pranoi vendimin, por tha se qëllimi i saj ishte “të shpëtonte jetë njerëzish” duke kërkuar paqe.

Megjithatë, vetëm pak javë pas bisedës me Hun Sen, shpërtheu një konflikt mes dy vendeve për thuajse pesë ditë, ku u vranë dhjetëra persona dhe qindra mijëra u detyruan të largoheshin nga shtëpitë e tyre.

Ky rast është i pesti në radhë kur Gjykata Kushtetuese rrëzon një kryeministër, që prej vitit 2008.

Paetongtarn u ngrit në pushtet shpejt, pasi iu bashkua partisë Pheu Thai vetëm në vitin 2021.

Rrëzimi i saj është një tjetër goditje për familjen Shinawatra, që ka mbizotëruar skenën politike tajlandeze prej dy dekadash.

Ajo bëhet anëtarja e tretë e familjes që e humb postin para kohe, babai i saj Thaksin u rrëzua nga një grusht shteti ushtarak në vitin 2006, ndërsa halla e saj Yingluck u shkarkua nga Gjykata Kushtetuese në vitin 2014.

Megjithëse Thaksin është tërhequr prej vitesh nga politika aktive, ai ka mbetur një figurë me ndikim të madh, por pas kësaj goditjeje, mbetet e paqartë se sa fuqi do të ketë më tej mbi politikën e vendit.


Në përputhje me standarded JTI

Video

SHIKO KANALIN NE YOUTUBE
×