AKTI SOLEMN/ I Gjati zotohet t’i kushtojë më shumë vëmendje nevojave të jo-kryeministrave

 Kliko këtu për të tjera
Voxpress:

Protestoi kundër luftës me Iranin në Senatin amerikan, arrestohet aktivisti (VIDEO)

5 Mars 2026, 13:04Kosova&Bota SHKRUAR NGA REDAKSIA VOX

Një protestë gjatë një seance dëgjimore në Senatin e SHBA-së përfundoi me tensione dhe arrestim, pasi një aktivist kundër luftës ndërhyri duke kundërshtuar politikën amerikane ndaj Iranit.

Sipas United States Capitol Police, protestuesi Brian C. McGinnis, nga Karolina e Veriut, u arrestua pasi ndërpreu seancën e komisionit të United States Senate Armed Services Committee dhe rezistoi ndaj oficerëve që po përpiqeshin ta largonin nga salla.

Video e publikuara tregon momentin kur McGinnis ngrihet dhe fillon të bërtasë kundër operacionit ushtarak amerikan në Iran, duke thënë se “Amerika nuk dëshiron të dërgojë bijtë dhe bijat e saj në luftë për Izraelin”. Menjëherë pas kësaj, oficerët e sigurisë ndërhyjnë për ta nxjerrë jashtë.

Gjatë përplasjes, protestuesi u kap pas një dere për të penguar largimin, ndërsa oficerët përpiqeshin ta tërhiqnin jashtë. Në ndihmë të tyre ndërhyri edhe senatori republikan nga Montana, Tim Sheehy, ish-anëtar i forcave speciale Navy SEAL.

Si pasojë e incidentit, një protestues dhe tre oficerë të Policisë së Kapitolit u trajtuan për lëndime të lehta.

McGinnis përballet me tre akuza për sulm ndaj një oficeri policie dhe tre akuza për rezistencë ndaj arrestimit dhe demonstrim të paligjshëm, sipas policisë së Kapitolit.

Në një reagim në rrjetet sociale, senatori Sheehy tha se u përpoq të qetësonte situatën, duke shtuar se protestuesi “erdhi në Kapitol duke kërkuar një përballje”.




Në përputhje me standarded JTI

Video

SHIKO KANALIN NE YOUTUBE
×