KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Ngatërruan kufomat në morg, dy të arrestuar Kosovë

10 February 2022, 16:31Kosova&Bota SHKRUAR NGA REDAKSIA VOX
Ngatërruan kufomat në morg, dy të arrestuar Kosovë
Foto ilustruese

Dy punonjës të një agjencie funeralesh në Kosovë u arrestuan pasi kishin ngatërruar trupat e pajetë të dy viktimave të Covid në morgun e spitalit të Prishtinës.

Prokuroria e Prizrenit njoftoi se të arrestuarit janë shtetasit me inicialet E.R. dhe M.N. Ndaj tyre është caktuar masa e sigurisë arrest me burg për 48 orë.

Të dyshuarit E.R., dhe M.N. me automjet kanë shkuar në Klinikën Infektive të QKUK-së në Prishtinë, me qëllim që të tërheqin nga aty trupin e pajetë të viktimës H.K. dhe ta dërgojnë në Prizren, për ceremoninë e varrimit nga familjarët e tij.

Por, të dyshuarit E.R., dhe M.N. kanë ngatërruar person, duke tërhequr trupin e pajetë të viktimës Z.D., së bashku me dokumentacionin e nevojshëm përcjellës, duke menduar se kanë tërhequr trupin e pajetë të viktimës H.K.

Me të kuptuar gabimin e ndodhur, të dyshuarit E.R., dhe M.N., sërish janë kthyer në Klinikën Infektive dhe nga aty kanë tërhequr trupin e pajetë të viktimës H.K., dhe e kanë dërguar në varrezat e qytetit në Prizren. Të dyshuarit e lartëcekuar, rreth orës 18:00, kanë paguar 300 euro disa persona që të bëjnë zhvarrimin e trupit të pajetë të viktimës Z.D., dhe në të njëjtin varr, kanë varrosur viktimën H.K.

 


Në përputhje me standarded JTI

Video

SHIKO KANALIN NE YOUTUBE
×