KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

‘Kush më quan racist është idiot’. Orban në konferencën e konservatorëve amerikanë: Të rimarrim Uashingtonin e Brukselin nga Sorosi

5 August 2022, 19:10Kosova&Bota SHKRUAR NGA REDAKSIA VOX
‘Kush më quan racist është idiot’. Orban në
Kryeministri hungarez, Viktor Orban

Viktor Orban ndezi konferencën e republikanëve të Teksasit dhe deklaroi se perëndimi është në qendër të një përplasjeje qytetërimesh.

Kryeministri hungarez u prit me duartrokitje të gjata në Konferencën e Veprimit Politik Konservator në Teksas, teksa nga pjesëmarrësit u përshkrua si udhëheqësi i fortë i së djathtës që “i ka rezistuar prej vitesh revanshit majtist”.

Fjalimi i Orban mbërrin pak ditë pasi këshilltarja prej kohësh e kabinetit të tij dha dorëheqjen për komentet që ai bëri që ajo i përshkroi si "naziste të pastër".

Dorëheqja ishte shenjë proteste ndaj deklaratës së Orban që tha se hungarezët "nuk duan të bëhen popuj të racës së përzier".

Duke folur në Dallas të enjten, Orban nuk e trajtoi drejtpërdrejt atë zemërim, por tha: "Një politikan i krishterë nuk mund të jetë racist". Kryeministri hungarez tha gjithashtu se ata që e konsiderojnë atë racist ose antisemit janë "thjesht idiotë".

"Që tani i imagjinoj titujt e mediave nesër. “I forti racist dhe antisemit europian i ekstremit të djathtë, kali i Trojës i Putinit, mban një fjalim në konferencën konservatore. Por nuk dua t’u jap asnjë ide, ata dinë më së miri të shkruajnë lajme të rreme”, tha ai.

Orban, i cili ka qenë në pushtet që nga viti 2010, kritikoi ish-presidentin amerikan Barack Obama, mega-donatorin demokrat George Soros dhe "globalistët".

“Ne duhet të marrim përsëri institucionet në Uashington dhe në Bruksel”, tha ai. “Ne duhet të koordinojmë lëvizjen e trupave tona, sepse përballemi me të njëjtën sfidë. Ju keni dy vjet për t'u përgatitur," shtoi ai, duke iu referuar dukshëm zgjedhjeve presidenciale të 2024 në SHBA.

Orban shkaktoi një ovacion të madh kur lexoi nga kushtetuta hungareze, duke deklaruar se martesa është vetëm midis një burri dhe një gruaje.

 


Në përputhje me standarded JTI

Video

SHIKO KANALIN NE YOUTUBE
×