E GUXIMSHME / Qeveria shqiptare shpëton në çastin e fundit amerikanin me ngjyrë!

 Kliko këtu për të tjera
Voxpress:

Filipine goditet nga tërmeti 7.8 ballë, 8 të vdekur dhe mbi 200 të plagosur

8 Qershor 2026, 09:02Kosova&Bota SHKRUAR NGA REDAKSIA VOX

Një tërmet me magnitudë 7.8 goditi jugun e Filipineve. Lëkundja sizmike u regjistrua rreth 16 kilometra larg bregdetit të ishullit Mindanao, bëri të ditur Shërbimi Gjeologjik i Shteteve të Bashkuara (USGS), duke shkaktuar alarm për tsunami nga Qendra e Paralajmërimit për Tsunami në Paqësor.

Sipas paralajmërimeve fillestare, valët mund të arrinin deri në tre metra në brigjet e Filipineve, por edhe në Indonezi, Tajvan dhe Japoni.

Zona më e prekur nga tërmeti është General Santos City, ku sipas një raporti të publikuar pas orës 06:00 me orën italiane, janë regjistruar tetë viktima dhe mbi 200 të plagosur si pasojë e shembjes së ndërtesave.

“Shumë godina banimi janë dëmtuar nga tërmeti dhe ne jemi të angazhuar në operacionet e shpëtimit”, deklaroi rreshteri i policisë së General Santos, Robert Dagon.


Shqetësimi kryesor mbeti rreziku i një cunami, pas alarmit të kuq të lëshuar për Filipinet, Indonezinë, Japoninë dhe Tajvanin. Megjithatë, valët e regjistruara gjatë natës nuk e kaluan lartësinë prej 1.4 metrash.

Në fazën e parë të emergjencës, Instituti Filipinas për Monitorimin e Tërmeteve dhe Tsunameve u bëri thirrje banorëve të ishujve dhe zonave bregdetare të evakuoheshin drejt vendeve më të larta dhe më në brendësi të territorit.

Me kalimin e orëve, situata nisi të qetësohej. Indonezia hoqi alarmin për tsunami vetëm pak orë pasi kishte urdhëruar evakuimin e zonave veriore të rrezikuara nga valët. Sipas Agjencisë së Meteorologjisë, Klimatologjisë dhe Gjeofizikës, alarmi për tsunami u mbyll katër orë e gjysmë pas shpalljes së tij.

Agjencia raportoi valë të vogla tsunami në të paktën nëntë zona të Indonezisë, ndërsa më e larta arriti 0.75 metra në ishullin Sangihe.

Ndërkohë, bilanci i dëmeve të shkaktuara nga tërmeti mbetet ende paraprak. Autoritetet vijojnë vlerësimet në zonat e prekura, veçanërisht në rajonin e General Santos, ku dëmet në ndërtesa rezultojnë të konsiderueshme.


Në përputhje me standarded JTI

Video

SHIKO KANALIN NE YOUTUBE
×