ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Europa Jugore nën flakë! Viktima dhe mijëra të evakuuar, Spanja mobilizon ushtrinë, Greqia në alarm, një ushtar humb jetën në Malin e Zi

13 August 2025, 15:19Kosova&Bota SHKRUAR NGA REDAKSIA VOX
Europa Jugore nën flakë! Viktima dhe mijëra të evakuuar,
Zjarret ne Spanje

Të paktën 3 persona kanë humbur jetën si pasojë e valës përvëluese të të nxehtit dhe zjarreve që kanë shpërthyer rreth Europës Jugore duke detyruar mijëra vetë të braktisin shtëpitë e tyre.

Një sërë shtetesh, si Franca, Spanja, Portugalia dhe vendet e Ballkanit janë në alarm të kuq për të nxehtin ekstrem që po rrezikon jetët e qytetarëve, me temperaturat që i kanë tejkaluar 40 gradët.

Shërbimi meteorologjik në Spanjë, tha se temperaturat mund të arrijnë ne 44 gradë në Seville dhe Cordoba, e po ashtu në Portugali termometri pritet të kapë këtë vlerë.

Në Spanjë ku një person ka humbur jetën si pasojë e zjarrit në Tres Cantos, pranë Madridit, kryeministri Pedro Sanchez tha se përballen me rrezik ekstrm për shkak të zjarreve pyjore dhe se ekipet e shpëtimit po punojnë papushim për ti shuar ato.

Mbi 4 mijë vetë janë evakuar nga rajoni i Castille dhe Leon në Spanjë, ku më shumë se 30 vatra vijojnë të digjen. 1 mijë ushtarë janë angazhuar për të luftuar flakët rreth vendit.

Në Portugali, zjarrfikësit po përpiqen të shuajnë 3 vatra të mëdha, me më seriozen pre tyre, pranë Trancoso që u vu nën kontroll të martën. Mbi 1300 zjarrfikës dhe 14 avionë janë angazhuar.

Një fëmijë humbi jetën si pasojë e goditjes nga vapa në Itali, ku temperaturat janë pranë 40-gradëshit.

10 qytete italiane, përfshirë Romën, Milanon dhe Firencen janë në alarm të kuq.

Greqia po lufton me më shumë se 150 zjarre rreth vendit të cilat po ushqehen nga erërat e forta, me gati 5 mijë zjarrfikës dhe dhjetëra avionë të angazhuar për shuarjen e flakëve.

Evakuime masive kanë prekur ishujt turistik të Zakinthos, Kefalonia, dhe Achaian Perëndimore, ku zjarret kanë shkatërruar shtëpi, automjete e biznese. Turqia tha se kishte vënë nën kontroll disa vatra të mëdha, përfshirë në Izmit, pasi qindra vetë u evakuuan dhe ngushtica e Dardaneleve dhe aeroporti i Kanakales u mbyll.

Në Mal të Zi një ushtar humbi jetën dhe një tjetër u plagos kur një cisternë uji u përmbys teksa luftonin me flakët pranë Podgoricës. 


Në përputhje me standarded JTI

Video

SHIKO KANALIN NE YOUTUBE
×