KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Erika, bashkëshortja e altivistit të ndjerë Charlie Kirk zgjidhet CEO e organizatës konservatore

18 September 2025, 19:56Kosova&Bota SHKRUAR NGA REDAKSIA VOX
Erika, bashkëshortja e altivistit të ndjerë Charlie Kirk zgjidhet
Erika Kirk

E veja e Charlie Kirk do të marrë drejtimin e organizatës së tij jofitimprurëse konservatore, Turning Point USA.

Erika Kirk, 36-vjeçe, u zgjodh unanimisht CEO e re e organizatës, e cila mbështet politikën konservatore në kampuset e shkollave të mesme dhe kolegjeve, një javë pasi bashkëshorti i saj u vra.

"Në diskutimet e mëparshme, Charlie u shprehu drejtuesve të shumtë se kjo është ajo që ai donte në rast të vdekjes së tij", thuhej në një deklaratë nga organizata. "Zoti e bekoftë Erikën, familjen Kirk dhe të gjithë ekipin në Turning Point USA."

Kirk themeloi Turning Point USA në vitin 2012 kur ishte vetëm 18 vjeç dhe transformoi atë që fillimisht ishte një organizatë e re kampusi në një lëvizje mbarëkombëtare që i siguroi atij një vend në nivelet e larta të lëvizjes MAGA.

Kirk ishte duke organizuar një event në Universitetin Utah Valley kur u qëllua dhe u vra nga një person i armatosur i ulur në një çati 130 metra larg.

Vrasësi i tij i dyshuar, Tyler Robinson, 22-vjeç, u paraqit në gjykatë të martën pasi prokurorët zbuluan se ai ishte bërë "më politik dhe kishte filluar të anonte më shumë nga e majta, duke u bërë më i orientuar pro të drejtave të gejve dhe transgjinorëve" gjatë vitit të kaluar.

Ka pasur shumë spekulime se kush do të merrte përsipër lëvizjen teksa Erika Kirk pranoi se ishte "më konservatore" se burri i saj gjatë një paraqitjeje së bashku në podcast në fillim të këtij viti.

Në fjalimet e saj të para publike që nga vdekja e burrit të saj, Erika Kirk tha se "nuk do ta lërë kurrë trashëgiminë e tij të vdesë".

"Charlie gjithmonë thoshte se kur ai ishte larguar, ai donte të mbahej mend për guximin dhe besimin e tij. Tani dhe për gjithë përjetësinë, ai do të qëndrojë në krah të shpëtimtarit të tij, duke mbajtur kurorën e lavdishme të një martiri", tha ajo.


Në përputhje me standarded JTI

Video

SHIKO KANALIN NE YOUTUBE
×