KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Dënohen me burg 4 anëtarët e familjes më të pasur britanike, “skllavëruan” shërbëtorët brenda vilës së tyre luksoze

21 June 2024, 18:52Kosova&Bota SHKRUAR NGA REDAKSIA VOX
Dënohen me burg 4 anëtarët e familjes më të pasur
Familja Hinduja

Katër anëtarë të familjes më të pasur të Britanisë janë dënuar me burg pasi janë shpallur fajtorë për shfrytëzimin e punëtorëve të tyre dhe ofrimin e punësimit të paautorizuar.

Prakash Hinduja dhe gruaja e tij Kamal, së bashku me djalin e tyre Ajay dhe gruan e tij Namrata, megjithatë, shpëtuan nga akuzat më serioze të trafikimit të qenieve njerëzore të lidhura me shërbëtorët e tyre në vilë.

Gjykata në Zvicër vendosi se shërbëtorët, të cilët ishin kryesisht indianë të pashkolluar dhe punonin në vilën e tyre buzë liqenit në Gjenevë, e dinin se në çfarë situate ishin duke u futur.

Katër anëtarët e familjes u dënuan me nga katër deri në katër vjet e gjysmë burg.

Avokatët që përfaqësojnë të pandehurit thanë se do të apelonin vendimin e gjykatës.

Në mbrojtjen e tyre, ekipi ligjor i familjes Hinduja deklaroi se stafi u trajtua me respekt dhe iu dha strehim.

Të katër ata u akuzuan për sekuestrimin e pasaportave të punëtorëve, duke i paguar në rupi (para indiane) jo në franga zvicerane, duke i ndaluar ata të largoheshin nga vila dhe i detyronin të punonin me orë të gjata torturuese për shuma qesharake parash, ndër të tjera.

Sipas një raporti, ata shpenzuan më tepër para për qenin e tyre, sesa shuma që i dhanë punonjësve në vilë.

Të pandehurit nuk ishin në gjykatë në Gjenevë edhe pse i pandehuri i pestë, Najib Ziazi, menaxheri i biznesit të familjes, ishte i pranishëm. Ai u dënua me 18 muaj me kusht.

Familja Hinduja, e udhëhequr nga Gopichand Hinduja, kryeson listën e të pasurve sipas Sunday Times 2024 me një pasuri të kombinuar prej 37 miliardë paund.


Në përputhje me standarded JTI

Video

SHIKO KANALIN NE YOUTUBE
×