ARSIM CILËSOR / Pas ftesës së Taullaut, Merkel merr autobuzin e parë për të vizituar shkollën e Kazmës!

 Kliko këtu për të tjera
Voxpress:

Zbuloni çfarë na fshehu Rama nga raporti i (cunguar) i BTI-së dhe gabimi me hartën e Kosovës!

29 Mars 2026, 12:33Fokus SHKRUAR NGA REDAKSIA VOX

Ditën e djeshme kryeministri Rama, publikoi një raport ku Shqipëria renditej e para ndër vendet e Ballkanit Perëndimor dhe ndër të parat në Evropën Juglindore për transformimin politik dhe qeverisjen. 

Të dhënat vinin nga Indeksi i Transformimit i Bertelsmann Stiftung që analizon dhe vlerëson çdo dy vjet cilësinë e demokracisë, performancën ekonomike dhe qeverisjen në mbarë botën.

Sipas raportit të publikuar nga Rama, në këtë raport përfshihen 137 vende, ndërsa Shqipëria renditet e 20-ta dhe e para në rajon, me 7.70 pikë, si rezultat i vlerësimeve përgjatë harkut kohor 1 shkurt 2023 deri më 31 janar 2025.

VOX News ka hulumtuar rreth ketij raporti dhe del që statistika e publikuara nga kryeministri Rama dhe më pas të shpërndara në media mungojnë disa të vërteta. 

Le ti marrim me radhë pjesë nga raporti i BTI-së që nuk i publikoi Ram dhe mediat përtuan të hulumtonin:

1) Zbatim i dobët i ligjit dhe ndikim politik në institucione

Gjyqësori është formalisht i pavarur, por ndikohet nga presioni dhe korrupsioni

Sistemi i patronazhit institucional është i përhapur

Shumica parlamentare mund të ndikojë institucionet e pavarura

Vendimet shpesh dëmtohen nga ndikime të jashtme

2) Polarizim i fortë politik dhe konflikte të vazhdueshme

Polarizim i lartë mes partive

konflikte politike që bllokojnë institucionet

retorikë agresive dhe akuzat politike

protesta dhe thirrje për rrëzim qeverie

mungesë mekanizmash neutral për zgjidhjen e konflikteve

3) Reforma të varura nga ndërkombëtarët

Reforma në drejtësi është hartuar dhe mbikëqyrur kryesisht nga BE dhe SHBA

Mungon pronësia e plotë vendase

Nuk është e sigurt nëse reformat do të vazhdojnë pa mbështetje ndërkombëtare

4) Administratë publike e politizuar dhe pa meritokraci

5) Ekonomi me konkurrencë jo të barabartë dhe informalitet

Sektori informal mbetet i madh

Rregullat e tregut nuk janë të njëjta për të gjithë

Menaxhimi i investimeve publike ka dobësi

borxhi dhe politika fiskale kanë sfida

Ekonomia është e hapur, por jo plotësisht e drejtë

6) Probleme serioze me pronat dhe korrupsionin në tokë

80% e të dhënave të pronave janë të pasakta

10% e territorit nuk është regjistruar

Legalizimi i ndërtimeve informale krijon probleme

Korrupsioni në sektorin e pronave është i përhapur

Vendimet e gjykatave për pronat shpesh nuk zbatohen

7) Politika mjedisore e dobët

Mjedisi shpesh sakrifikohet për zhvillim ekonomik

Rregullat janë të dobëta

Hidrocentralet edhe në zona të mbrojtura

Mungesë vlerësimi strategjik mjedisor

8) Shoqëri civile e dobët dhe e varur nga donatorët

OJQ-të varen nga fondet ndërkombëtare

Lidhje me politikën

Kapacitet i ulët institucional

Besim relativisht i ulët i qytetarëve

Sindikata të dobëta

9) Kulturë politike e dobët dhe trashëgimi e komunizmit

Stil lidershipi hierarkik

Parti të centralizuara

Kulturë demokratike e dobët

Patronazh dhe korrupsion

Ndarje e fortë politike

Pse Shqipëria del më lart në BTI se vendet e rajonit Ballkanik:

Më pak krizë politike se Mali i Zi

Më pak centralizim se Serbia

Më pak tensione etnike se Maqedonia e Veriut

Progres në integrimin europian

Stabilitet relativ institucional.

Kryeministri publikoi hartën ku Kosova shfaqej pa kufij të qartë me Serbinë:

Kryeministri Edi Rama i nxituar nga raporti (pozitiv) ka publikuar një hartë të rajonit të Ballkanit ku, për çudi, ndryshe nga shtetet e tjera, kufiri i Kosovës me Serbinë paraqitet me vija të ndërprera.

Zbuloni çfarë na fshehu Rama nga raporti i (cunguar) i BTI-së

Pas shumë komenteve kundër në postimin fillestar në lidhje me hartën e publikuar, Rama vendosi të ndryshojë foton e hartës, duke publikuar një tjetër ku kufiri i Kosovës është i qartë.

Zbuloni çfarë na fshehu Rama nga raporti i (cunguar) i BTI-së

Në hartë, vijat e ndërprera përdoren për të treguar kufij të papërcaktuar qartë ose të kontestuar. Pra, një paraqitje e tillë lë të kuptohet sikur kufiri i Kosovës nuk është përfundimtar apo i pranuar plotësisht.

Shqipëria është ndër vendet e para që ka njohur pavarësinë e Kosovës dhe duhet të jetë mbështetësja e saj më e fortë në çdo aspekt. 

Zbuloni çfarë na fshehu Rama nga raporti i (cunguar) i BTI-së

Në fillim të postimit Rama shkruan se ky është "RAPORTI QË NUK DO TA GJENI NË KANALE E PORTALE", VOX News po e publikon të plotë raportin (pozitiv) në anglisht, pasi në shqip fliste se si njerëz të lidhur me krimin janë të punësuar në administratë.

©Copyright VOX News

Ky artikull është ekskluziv i Vox News, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Vox News dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016

Dokumenta bashkëngjitur


Në përputhje me standarded JTI

Video

SHIKO KANALIN NE YOUTUBE
×