LETËR E HAPME/ Ejani në dialog të më dëgjoni si flas, ndryshe ju preva bursat, ju kalba në burg. Ju lutem!

 Kliko këtu për të tjera
Voxpress:

E rëndë në autostradën Fier-Lushnjë/ Plagoset çifti i bashkëshortëve, makina kapërcen barrierat dhe bie në kanal!

22 October 2026, 09:27Aktualitet SHKRUAR NGA REDAKSIA VOX
E rëndë në autostradën Fier-Lushnjë/ Plagoset
Fier-Lushnje

Një aksident i rëndë ka ndodhur sot në aksin rrugor Fier-Lushnje. 

Raportohet se ngjarja ka ndodhur pranë rreth-rrotullimit të Kolonjës, ku një makinë tip fuoristradë ka dalë nga rruga, është përplasur me barrierat metalike dhe i ka kapërcyer ato, duke përfunduar në një kanal rreth pesë metra poshtë urës. 

Për pasojë, dy bashkëshortët kanë mbetur të plagosur dhe për nxjerrjen e tyre nga automjeti është dashur ndërhyrja e menjëhershme e forcave zjarrfikëse të Lushnjës dhe e personelit mjekësor të ambulancës.

Të dy të plagosurit janë transportuar me urgjencë drejt spitalit të Lushnjës, ku po marrin ndihmë mjekësore për lëndimet e shumta të pësuara. 

Sipas të dhënave paraprake nga Policia Rrugore, dyshohet se shpejtësia e lartë dhe lagështia e madhe në asfalt, si pasojë e reshjeve intensive të shiut, kanë bërë që drejtuesi i automjetit të humbasë kontrollin dhe të mos arrijë të futet në rreth-rrotullim. 

Policia po vijon hetimet, ndërsa pritet ekspertiza për të përcaktuar shkaqet e plota të aksidentit. 


Në përputhje me standarded JTI

Video

SHIKO KANALIN NE YOUTUBE
×