KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Sanksionet ndaj Rusisë rikthejnë radhët kilometrike për qymyr në Poloni

27 August 2022, 16:57Biznes SHKRUAR NGA REDAKSIA VOX

Sanksionet ndaj Rusisë rikthejnë radhët kilometrike për

Në vapën e gushtit në Poloni, dhjetëra makina dhe kamionë qëndrojnë në radhë në minierën e qymyrit Lubelski Wegiel Bogdanka, ndërsa banorë të frikësuar nga mungesat e gazit për dimër presin ditë e net për të rezervuar qymyrin për ngrohje dhe radhët të kujtojnë kohërat komuniste.

Artur, 57 vjeç, një pensionist, u nis me makinë nga Swidnik, rreth 30 km nga miniera në Poloninë lindore të martën, me shpresën për të blerë disa ton qymyr për veten dhe familjen e tij.

"Tualetet u vendosën sot, por nuk ka ujë të rrjedhshëm," tha ai, pas tre netësh fjetje me hatchback-un e tij të vogël të kuq në një radhë të zvarritur kamionësh, traktorë që tërheqin rimorkio dhe makina private.

"Kjo është përtej imagjinatës, njerëzit janë duke fjetur në makinat e tyre. Më kujtohet koha e komunizmit, por nuk më shkonte ndërmend se radhët mund të riktheheshin”, shton ai për Reuters.

Familja e Arturit është një nga 3.8 milionë në Poloni që mbështeten te qymyri për ngrohje dhe tani përballen me mungesa dhe rritje të çmimeve, pasi Polonia dhe Bashkimi Europian vendosën një embargo ndaj qymyrit rus pas pushtimit të Ukrainës nga Moska në shkurt.

Polonia ndaloi blerjet me një efekt të menjëhershëm në prill, ndërsa blloku mandatoi zbehjen e tyre deri në gusht.

Ndërsa Polonia prodhon mbi 50 milion ton nga minierat e veta çdo vit, qymyri i importuar, pjesa më e madhe e tij nga Rusia, është një element kryesor familjar për shkak të çmimeve konkurruese dhe faktit që qymyri rus shitet në copa më të përshtatshme për përdorim shtëpiak.

Kërkesa në rritje e ka detyruar Bogdanka dhe miniera të tjera të kontrolluara nga shteti të racionojnë shitjet ose t'u ofrojnë karburant blerësve individualë nëpërmjet platformave online, në sasi të kufizuara. Artur, i cili nuk donte të jepte emrin e tij të plotë, tha se kishte mbledhur dokumentet nga familja e tij e gjerë me shpresën për të marrë të gjitha akordimet e tyre të qymyrit menjëherë.

Miniera planifikoi të shesë qymyr për rreth 250 familje të premten dhe do të vazhdojë shitjet gjatë fundjavës për të shkurtuar kohën e pritjes, tha për Reuters Dorota Choma, një zëdhënëse e minierës Bogdanka.

Kufijtë janë vendosur për të parandaluar grumbullimin dhe përfitimin, apo edhe shitjen e pikave në radhë, tha Choma.

Si të gjitha minierat polake të qymyrit, Bogdanka zakonisht shet shumicën e qymyrit që prodhon në termocentrale. Vitin e kaluar, ajo shiti më pak se 1% të prodhimit të saj për klientët individualë, kështu që i mungon logjistika për të shitur produktin drejtpërdrejt te blerësit me pakicë.

Lukasz Horbacz, kreu i Dhomës Polake të Tregtisë së Qymyrit, tha se rënia e importeve ruse filloi në janar kur Moska filloi të përdorte hekurudhat për transportin ushtarak.

"Por, arsyeja kryesore për mungesat është embargoja që hyri në efekt të menjëhershëm. Ajo e ktheu tregun përmbys gjithçka" i tha ai Reuters.

Vitet e fundit, Polonia ka qenë kritikja më e zëshme e politikës klimatike të BE-së dhe një mbrojtëse e vendosur e qymyrit që prodhon deri në 80 për qind të energjisë elektrike të saj. Por, prodhimi i qymyrit ka rënë në mënyrë të vazhdueshme pasi kostoja e minierave në nivele më të thella rritet.

Konsumi i qymyrit është mbajtur kryesisht i qëndrueshëm, duke shkaktuar një rritje graduale të importeve. Në vitin 2021, Polonia importoi 12 milionë ton qymyr, nga të cilët 8 milionë ton erdhën nga Rusia dhe u përdorën nga familjet dhe termocentralet e vogla.

Në korrik, Polonia urdhëroi dy kompani të kontrolluara nga shteti të importonin disa milionë tonë qymyr nga burime të tjera, përfshirë Indonezinë, Kolumbinë dhe Afrikën dhe futi subvencione për pronarët e shtëpive që përballen me dyfishimin ose trefishimin e çmimeve të qymyrit në krahasim me dimrin e kaluar.


Në përputhje me standarded JTI

Video

SHIKO KANALIN NE YOUTUBE
×