Rritet numri i pagesave me kartë në vitin 2023, shënojnë rekord të ri historik

Pagesat me kartë bankare regjistruan përsëri një rritje të fortë vitin e kaluar dhe prekën vlerat më të larta historike në numër dhe në vlerë transaksionesh.

Sipas statistikave nga Banka e Shqipërisë, gjatë vitit 2023 pagesat me kartë në terminalet POS (pikat elektronike të shitjes) arritën në pothuajse 14.5 milionë, me një rritje prej 35% krahasuar me një vit më parë.

Në vlerë transaksionesh, pagesat me kartë vitin e kaluar arritën në 64.1 miliardë lekë, 26.6% më shumë krahasuar me vitin 2022.

Për vitin 2023, volumi i pagesave në terminale POS përbënte 14.5% të vlerës totale të veprimeve me karta, nga 13.9% që kishte qenë pesha e këtyre veprimeve një vit më parë.

Pagesat me kartë po nxiten sidomos nga rritja rekord e turizmit hyrës. Kërkesa nga turistët e huaj për të paguar me kartë po shtyn një numër më të madh biznesesh të pranojnë pagesa me këto instrumente.

Sipas të dhënave nga Banka e Shqipërisë, numri i terminaleve POS për pranimin e pagesave me kartë në fund të vitit të kaluar arriti shifrën rekord prej në 19 184, në rritje me 18.2% krahasuar me një vit më parë.

Po kështu në fund të vitit 2023 numri i kartave bankare aktive arriti në 1.43 milionë, në rritje me 4.6% krahasuar me një vit më parë. Numri i kartave të debitit arriti në 1.24 milionë, në rritje vjetore me 5%. Ky produkt ngelet dominues dhe përbën pothuajse 87% të numrit të përgjithshëm të kartave bankare. Karta e debitit është një instrument bazik pagese, i lidhur me llogaritë rrjedhëse të bizneseve dhe individëve.

Ndërkohë, viti 2023 ishte pozitiv edhe në segmentin e kartave të kreditit. Në fund të vitit të kaluar, sektori bankar raportonte pothuajse 120 mijë karta krediti aktive, me një rritje vjetore prej 6.6%. Megjithëse zhvillimi i këtij produkti në tregun shqiptar ngelet ende i dobët, numri i kartave të kreditit ka arritur shifrën më të lartë historike.

Verën e kaluar, Komisioni Europian rekomandoi Shqipërisë vendosjen e një shume tavan për pagesat me para fizike. Në raportin e fundit të analizës së përputhshmërisë së Shqipërisë me kuadrin ligjor dhe rregullator komunitar, Komisioni Europian vlerësonte se vendi ynë është vetëm pjesërish në përputhje me kuadrin e Bashkimit Europian për sa i përket hetimit të pastrimit të parave. Pavarësisht progresit të fundit, legjislacioni i Shqipërisë është pjesërisht i përafruar me atë të BE-së në këtë fushë.

Një kërkesë e ngjashme për vendosjen e një tavani për pagesat cash është shprehur prej vitesh edhe nga Shoqata Shqiptare e Bankave. Sipas Shoqatës së Bankave, ulja e parasë fizike në qarkullim dhe në transaksionet tregtare është një sfidë dhe kërkesë për një ekonomi më të organizuar, më të matshme, më të disiplinuar dhe më të qëndrueshme.

Në përputhje me standarded JTI

Mbi 1 mijë vende të lira pune në administratë, zbardhet vendimi i DAP

Lexo

15 February, 09:23Biznes

Grantet për idetë novatore/Nga vetëdeklarimi deri te pasaporta start up, cilat janë kriteret?

Lexo

14 February, 13:45Biznes

Zbulimit të naftës në Shpirag i bëhet “nafta”, dështojnë testet paraprake

Lexo

14 February, 13:23Biznes

Kompensimi i pronave, Gjykata Kushtetuese rrëzon kërkesën e Komunitetit Mysliman

Lexo

14 February, 12:50Biznes

Gjermania në kolaps ekonomik, analistët parashikojnë një situatë dhe më të zymtë

Lexo

14 February, 12:19Biznes

Vera, karburanti, kafeja dhe cigaret, produktet që u importuan më shumë në Janar

Lexo

14 February, 10:46Biznes

Gjithçka që duhet të dini për sektorin e bujqësisë së BE-së

Lexo

14 February, 09:52Biznes

Importi dominon produktin vendas. Fermerët paralajmërojnë rritje çmimesh

Lexo

14 February, 09:25Biznes

Lidhjet e reja të energjisë, ndryshojnë rregullat për vetëprodhuesit

Lexo

13 February, 13:52Biznes

Edhe hapësira në “varësi” të Kryeministrit

Lexo

13 February, 13:26Biznes