ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Influencuesit financiarë në Australi mund të dënohen me burg

21 March 2022, 18:59Biznes SHKRUAR NGA REDAKSIA VOX

Influencuesit financiarë në Australi mund të dënohen me burg

Influencuesit në rrjetet sociale në Australi mund të dënohen deri me pesë vite burgim nëse japin këshilla financiare për ndjekësit e tyre.

Autoritetet publikuan rregulloren e re, sipas të cilës edhe influencuesit e botës online duhet të pajisen më parë me një licencë për të dhënë këshilla të tira.

Në vitin 2021, një vëzhgim i tregut doli në përfundimin se 33 për qind e të rinjve nga 18 deri në 21 vjeç ndiqnin influencuesit financiarë dhe 64 për qind e të rinjve pranuan se kishin ndryshuar qasje dhe plane financiare të ndikuara nga një influencues.

Autoritetet thanë se këshillat financiare online po konkurronin në mënyrë të pandershme zyrat dhe ekspertët e licencuar që paguanin detyrimet për këtë shërbim. Për këtë arsye, ligji u amendua për të përfshirë në këtë profesion edhe punën online.

Aleks Nikoliç, një prej influencerave më me ndikim në fushën financiare në Australi tha për The Guardian se vendimi i autoriteteve ishte i duhur dhe se tregu kishte nevojë që të rregullohej.

Rregullorja parashikon burgim edhe në rastet kur jepen informacione kequdhëzuese, të rreme apo manipuluese.


Në përputhje me standarded JTI

Video

SHIKO KANALIN NE YOUTUBE
×