KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

50 mln njerëz janë skllevër modernë

12 September 2022, 21:59Biznes SHKRUAR NGA REDAKSIA VOX
50 mln njerëz janë skllevër modernë
Foto ilustruese

Skllavëria moderne është një sfidë në rritje falë një përzierjeje të konflikteve të armatosura, ndryshimeve klimatike dhe pandemisë globale, thotë një raport i ri i OKB-së.

Vlerësimet e Organizatës Ndërkombëtare të Punës sugjerojnë se 50 milionë njerëz, ose një në çdo 150 veta kryejnë punë, ose martesë të detyruar.

Kjo është afro 10 milionë më shumë se pesë vjet më parë.

ILO tha se fakti që gjërat po përkeqësoheshin ishte "tronditës". "Asgjë nuk mund të justifikojë vazhdimësinë e këtij abuzimi themelor të të drejtave të njeriut", tha drejtori i përgjithshëm i saj, Guy Ryder.

"Ne e dimë se çfarë duhet bërë... nevojitet një qasje gjithëpërfshirëse. Sindikatat, organizatat e punëdhënësve, shoqëria civile dhe njerëzit e zakonshëm kanë të gjithë role kritike për të luajtur", vijoi ai.

Organizata e punës e OKB-së është thekson se skllavëria nuk kufizohet në vendet e varfra larg botës perëndimore, më shumë se gjysma e të gjithë punës së detyruar ndodh në vendet më të pasura në grupin e mesëmm ose me të ardhura të larta.

Si puna e detyruar, ashtu edhe martesa e detyruar, llogaritet si skllavëri moderne - të dyja situatat ku personi nuk mund të largohet "për shkak të kërcënimeve, dhunës, mashtrimit, shpërdorimit të pushtetit ose formave të tjera të detyrimit".

“Kurthi në punën e detyruar mund të zgjasë me vite, ndërsa në shumicën e rasteve martesa e detyruar është një dënim i përjetshëm”, thuhet në raport.

Rreth 27.6 milionë njerëz janë në punë të detyruar, duke përfshirë 3.3 milionë fëmijë. Nga këta fëmijë, më shumë se gjysma shfrytëzohen seksualisht.

22 milionë njerëz të tjerë janë në martesa të detyruara, më shumë se dy të tretat e tyre gra dhe shumë viktima janë nën 15 vjeç kur bëhet martesa.

Fakti që gjërat po përkeqësohen është rezultat i një përzierjeje komplekse të "krizave të ndërlikuara", thotë raporti, të gjitha këto bashkohen për të rritur varfërinë dhe për të rritur rrezikun e skllavërimit.

Pandemia e Covid-19, për shembull, shkaktoi ndërprerje të mëdha te të ardhurat e njerëzve, duke çuar në më shumë borxhe, të cilat mund të përdoren në punë të detyruar në disa raste. ILO thotë se pandemia ka çuar në një rritje të "varfërisë ekstreme globale" për herë të parë në 20 vjet.

Lufta dhe konfliktet e armatosura gjithashtu çojnë në rrethana të rënda, ose rekrutimin e fëmijëve për të punuar, ose për të shërbyer si fëmijë ushtarë; ndërsa ndryshimet klimatike i kanë detyruar njerëzit të lënë shtëpitë e tyre dhe të bëhen migrantë duke i vënë ata menjëherë në rrezik më të madh.

Raporti bën thirrje për një përpjekje ndërkombëtare për të mbledhur burime. "Premtimet dhe deklaratat e qëllimit të mirë nuk mjaftojnë," paralajmëron raporti.


Në përputhje me standarded JTI

Video

SHIKO KANALIN NE YOUTUBE
×