ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Vodhi 8 mijë euro dhe bizhuteri nga banesa në Tiranë, kapet hajduti 23-vjeçar

12 October 2023, 13:15Aktualitet SHKRUAR NGA REDAKSIA VOX
Vodhi 8 mijë euro dhe bizhuteri nga banesa në Tiranë, kapet
Paratë dhe bizhuteritë e vjedhura

Policia e Tiranës ka vënë në pranga një 23-vjeçar i akuzuar për vjedhjen e një shume të madhe parash dhe bizhuteri me vlerë nga një banesë.

Policia thotë se vjedhja ka ndodhur dy ditë më parë në një banesë në "Unazën e Re", ndërsa shuma prej rrejt 8000 eurosh dhe bizhuteritë e vjedhura janë gjetur në banesën e 23-vjeçarit.

Njoftimi i Policisë:

Vodhi në një banesë, një shumë parash dhe sende me vlerë, identifikohet, kapet dhe vihet në pranga 23-vjeçari.

Sekuestrohen shuma 8160 euro dhe sendet me vlerë (aksesorë floriri), që u gjetën në banesën e 23-vjeçarit.

Shërbimet e Komisariatit të Policisë Nr. 6, në vijim të punës për evidentimin dhe goditjen e veprimtarive kriminale në fushën e vjedhjes së pronës dhe pasurisë, pas kallëzimit të marrë nga një 26-vjeçar, se i kishin vjedhur një shumë parash dhe sende me vlerë, në banesë, kanë organizuar dhe finalizuar operacionin policor të koduar "Home".

Si rezultat i këtij operacioni, u bë arrestimi i shtetasit E. N., 23 vjeç, banues në Tiranë.

Ky shtetas dyshohet se më datë 10.10.2023, ka vjedhur në një banesë në Unazën e Re, rreth 8000 euro dhe sende me vlerë. Gjatë kontrollit në banesën e 23-vjeçarit, shërbimet e Policisë gjetën dhe sekuestruan shumën e parave dhe sendet me vlerë, që ky shtetas ka vjedhur në banesën e 26-vjeçarit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.


Në përputhje me standarded JTI

Video

SHIKO KANALIN NE YOUTUBE
×