KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

VIDEO/ Si transformohej “Sheiku i Durrësit”, pasi provonte 'tullumbacet me azot'!

22 September 2023, 14:09Aktualitet SHKRUAR NGA REDAKSIA VOX
VIDEO/ Si transformohej “Sheiku i Durrësit”, pasi provonte
Arjan Toçi

Tullumbacet me oksid azoti reklamohen lirshëm në rrjetet sociale nga të rinjtë.

Ditën e sotme një 21 vjeçar, ka rënë në pranga pas videos që ka publikuar duke reklamuar bombola me oksid azoti, për të cilat thotë se kushtojnë 90 mijë lekë të vjetra dhe se me to mund të mbushësh rreth 45 tullumbace.

Madje, i riu Arjan Toçi teksa e reklamon në rrjete sociale, u bën tregon përdoruesve edhe ‘efektet’ që të jep duke përdorur shprehjen “të çon avion fare”.


Çfarë është “droga me tollumbac”?

Oksidi i azotit është një substancë që thithet nga një tullumbace, oksidi i azotit është përdorur në mënyrë rekreative për më shumë se 200 vjet.

Gazi vjen i mbushur në bombola të vogla metalike, të cilat futen në një ‘cracker’ ose në një shpërndarës të ngjashëm me kremin pana në mënyrë që përmbajtja e gazit të mund të futet në një tullumbace. Efektet e oksidit të azotit zgjasin nga 1 deri në 5 minuta.

Pasojat

-Marramendje -Eufori -Qeshje e pakontrolluar -Halucinacione vizuale dhe dëgjimore -Shikim i turbullt -Humbje e ekuilibrit -Dhimbje në gjoks -Dhimbje koke.

Thithja e oksidit të azotit shkakton eufori, relaksim dhe një gjendje halucinative, sërdorimi afatgjatë ose i zakonshëm mund të çojë në dëmtime të rënda neurologjike.

Meqenëse oksidi i azotit mund të shkaktojë marramendje, shkëputje dhe humbje të përkohshme të kontrollit, është e pasigurt ta thithësh gjatë qëndrimit në këmbë.

Në Tiranë këtë lloj droge e gjen për vetëm 300 lekë një tullumbac.

Njoftimi i policisë:

Tregtonte bombola të kontrabanduara që dyshohet se përmbajnë lëndë të rrezikshme për shëndetin (azot) dhe i reklamonte në rrjetet sociale duke bërë thirrje për t’i blerë ato, në tabakinon e tij, kapet dhe vihet në pranga 21-vjeçari.      

Sekuestrohen bombolat e gazit që dyshohet se përmbajnë lëndë të rrezikshme për shëndetin.  

Specialistët e Seksionit për Hetimin e Krimeve Ekonomike dhe Financiare të DVP Tiranë, në vijim të punës për evidentimin dhe goditjen e të gjitha rasteve të paligjshmërisë, pas publikimit të një videoje në rrjete sociale, në të cilën shfaqej një shtetas që reklamonte bombola me lëndë të rrezikshme për shëndetin (azot), menjëherë kanë organizuar punën për kapjen e tij.   

Falë veprimeve të shpejta hetimore është bërë identifikimi, kapja dhe arrestimi i shtetasit A. T., 21 vjeç, banues në Tiranë.   

21-vjeçari tregtonte në tabakinon e tij, në rrugën "Tre Dëshmorët", bombola të kontrabanduara që dyshohet se përmbajnë lëndë të rrezikshme për shëndetin. Në cilësinë e provës materiale u sekuestruan bombolat që u gjetën gjatë kontrollit në këtë tabakino.      

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme./VoxNews

Galeria fotografike (
)


Në përputhje me standarded JTI

Video

SHIKO KANALIN NE YOUTUBE
×