ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

SHBA përshëndet zgjatjen e vettingut: Forcon sistemin e drejtësisë

10 February 2022, 19:37Aktualitet SHKRUAR NGA REDAKSIA VOX

SHBA përshëndet zgjatjen e vettingut: Forcon sistemin e

Ambasada e SHBA përshëndeti miratimin e zgjatjes së vettingut nga Kuvendi.

“Ky është një hap me rëndësi përpara për të gjithë shqiptarët, për një sistem drejtësie më të besueshëm, më të fortë dhe më afër integrimit në Bashkimin Europian”, shkroi në një reagim të shkurtër SHBA.

Seancës i paraprinë disa takime të ambasadores Kim me përfaqësues nga PS dhe PD. Ajo u takua edhe me Ramën, ndërsa përcolli drejtpërdrejt mesazhin se SHBA nuk pret asgjë më pak se sa zgjatja e vettingut.

Të martën, Ambasada amerikane dhe përfaqësia e BE në Tiranë dolën me një deklaratë të përbashkët, ku theksojnë se zgjatja e mandatit të komisioneve është edhe rekomandim i Komisionit të Venecias.

“Vettingu i gjyqtarëve dhe prokurorëve është një element themelor i reformës në drejtësi. Për t’u mundësuar institucioneve të vettingut të kryejnë misionin e tyre është i nevojshëm ndryshimi i Kushtetutës përta zgjatur mandatin e tyre për një periudhë të kufizuar”, thuhet në deklaratë.

“Komisioni i Venecias konfirmoi se zgjatja e propozuar është në përputhje me standardet europiane dhe është e nevojshme për të garantuar barazinë para ligjit dhe sigurinë juridike”, vijon deklarata.

Sipas BE dhe SHBA, zgjatja e vettingut është në interes të Shqipërisë dhe deputetët duhet të shkëputen nga përkatësia partiake për këtë çështje.

“Zgjatja e propozuar e vettingut mbështetet fuqishëm nga miqtë e Shqipërisë, që dëshirojnë ta shohin Shqipërinë në BE sa më shpejt që të jetë e mundur. Kjo nuk është çështje partiake. Shpresojmë që të gjithë deputetët, pavarësisht nga përkatësia partiake ta shohin këtë si çështje të interesit kombëtar dhe të votojnë në përputhje me të, ashtu siç kanë mbështetur gjithmonë rrugën europiane të Shqipërisë. Vota për zgjatjen e vettingut është votë për të ardhmen e Shqipërisë në BE”, mbyllet deklarata.


Në përputhje me standarded JTI

Video

SHIKO KANALIN NE YOUTUBE
×