RRJEDHJE INFORMACIONI / Botohet komunikimi sekret i deputetëve socialistë për protestën

 Kliko këtu për të tjera
Voxpress:

Serbia kërcënon me LARGIM nga EURO 2024 nëse nuk dënohet Shqipëria dhe Kroacia

20 Qershor 2024, 17:03Aktualitet SHKRUAR NGA REDAKSIA VOX
Serbia

Serbia ka kërcënuar se do të tërheqë ekipin e saj të futbollit nga Euro 2024 nëse UEFA nuk dënon Kroacinë dhe Shqipërinë për ato që pretendojë se ishin thirrje urrejtjeje ndaj tyre.

Jovan Surbatovic, sekretari i përgjithshëm i shoqatës serbe të futbollit, tha se ata kanë bërë një ankesë zyrtare për thirrjet “vrit, vrit, vrite serbin” gjatë barazimit 2-2 midis Kroacisë dhe Shqipërisë të mërkurën.

Ai paralajmëroi se ekipi mund të tërhiqet plotësisht nëse organi qeverisës i futbollit evropian UEFA nuk vepron sipas ankesës së tyre.

“Ajo që ndodhi është skandaloze dhe ne do t'i kërkojmë UEFA-s sanksione, edhe nëse kjo do të thotë të mos vazhdojmë garën”, tha Surbatovic.

“Nëse UEFA nuk i dënon, ne do të mendojmë se si të vazhdojmë”, tha ai.

Ata pretendojnë se në një video amatore të filmuar gjatë ndeshjes Kroaci-Shqipëri, në stadium dëgjohen fansat teksa brohorasin thirrjet kundër Serbisë. Autenciteti i videos nuk është arritur të konfirmohet.


Në përputhje me standarded JTI

Video

SHIKO KANALIN NE YOUTUBE
×