KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

“Pjerin Xhuvani u vra para syve të tyre”, gazetarja zbulon çfarë i fundosi dy zyrtarët e lartë të Policisë

27 June 2022, 20:00Aktualitet SHKRUAR NGA REDAKSIA VOX
“Pjerin Xhuvani u vra para syve të tyre”, gazetarja zbulon
Vendi i krimit në vrasjen e Pjerin Xhuvanit

Gazetarja e kronikës Klodiana Lala ka zbardhur detaje të reja nga dosja e vrasjes së Pjerin Xhuvanit në Elbasan, vetëm katër ditë para zgjedhjeve të 25 prillit 2021, ku gjykata dha sot masat e sigurisë për 8 efektivët e Policisë.

Për dy zyrtarët e lartë të Policisë, Albert Nushi dhe Nikollaq Palla u caktua masa "arrest shtëpie". Sipas Klodiana Lalës, Nushi dhe Palla kanë qenë të pranishëm në momentin kur ka ndodhur ngjarja dhe nuk kanë marrë masa për të parandaluar krimin. Gjithashtu, sipas gazetares ata kanë dhënë dhe deshmi të rreme, duke dhënë fakte të ndryshme mbi ngjarjen.

“Në kohën e vrasjes, Palla e Nushi kanë qenë zv.drejtorë të Policisë së Elbasanit dhe kanë qenë të pranishëm në vendin e ngjarjes. Në momentin që kanë mbërritur në vendngjarje, në praninë e tyre ka ndodhur vrasja. Rezulton se ata dy kanë shpërdoruar detyrën, sepse nuk kanë marrë masa për të parandaluar vrasjen, si dhe kanë dhënë deklarime të rreme, duke dhënë fakte të ndryshme mbi ngjarjen.

Pjerin Xhuvani ishte pjesë e një grupi simpatizantësh të PS. Mjeku Xhuvani shkoi në mbrojtje të mikut të tij, që sipas PD, ishte duke blerë vota. Ishte PD që njoftoi policinë, dhe në momentin e mbërritjes së policisë ndodhi përplasja me armë zjarri, ku dhe u vra Pjerin Xhuvani. Të gjithë personat e përfshirë ishin ish-ushtarakë ose ish-punonjës policie.

E gjithë ngjarja bëri shumë bujë për faktin se si drejtori i Policisë së Shtetit, por edhe prokurori, gënjyen, duke thënë se nuk ishin gjetur materiale në vendngjarje, ndërkohë që në të vërtetë ishin gjetur materiale. Gjithashtu, ngjarja bëri bujë, sepse ndodhi në sytë e dy zv.drejtorëve të policisë, të cilët nuk arritën të parandalonin vrasjen e mjekut Xhuvani. Nuk është përcaktuar ende se kush qëlloi i pari me armë zjarri në vendngjarje”, tha gazetarja Lala në News24.


Në përputhje me standarded JTI

Video

SHIKO KANALIN NE YOUTUBE
×