KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

PAMJE me DRON/ Ja si shpërndanin drogë dy vëllezërit Markaj në Tiranë!

15 February 2024, 11:53Aktualitet SHKRUAR NGA REDAKSIA VOX

PAMJE me DRON/ Ja si shpërndanin drogë dy vëllezërit Markaj

Policia e Tiranës ka arrestuar dy vëllezër të cilët u kapën në flagrancë duke shkëmbyer lëndë narkotike me qëllim shitjen e tyre në doza të vogla.

Finalizimi i operacionit “Brothers” dhe me pas kapja në flagrancë e dy të rinjve vëllezër në zonën e Alliasit u bë duke përdorur pamje me dron. Polica ka publikuar pamjet me dron se si Alkan Markaj, 36-vjeç dhe Mariglen Markaj 37 vjeç po shkëmbenin lëndën narkotike në zonën e Alliasit.

Gjatë kontrollit pasi u filmuan duke shpërndarë drogë, dy vëllezërve iu është gjetur në banesë një sasi lënde narkotike kanabis, kokainë dhe heroinë, mjete për konsumimin e lëndëve narkotike, një shufër metalike, një detektues përgjuesish dhe 2 celularë.

Pamjet me dron tregojë me imtësi se si dy vëllezërit shkëmbenin drogën në oborrin e banesës së tyre me qëllim për ta shitur.

Njoftimi i plotë:

Finalizohet nga Komisariati i Policisë Nr. 4, operacioni policor i koduar “Brothers”, për goditjen e veprimtarive kriminale në fushën e narkotikëve dhe të mbajtjes pa leje, të armëve të ftohta.

Posedonin droga të forta për t’i shitur në doza, armë të ftohta dhe sende të kundërligjshme, arrestohen në flagrancë 2 shtetas (vëllezër).

Video e publikuar nga policia:


Sekuestrohen sasi të lëndëve narkotike kanabis, kokainë dhe heroinë, mjete për konsumimin e lëndëve narkotike, një shufër metalike, një detektues përgjuesish dhe 2 celularë.

Shërbimet e Komisariatit të Policisë Nr. 4, në zbatim të planit të masave për kapjen e shtetasve në kërkim dhe të atyre që qarkullojnë me sende të kundërligjshme, bazuar dhe në informacionet e siguruara nga inteligjenca informative, kanë organizuar dhe finalizuar operacionin policor të koduar “Brothers”.

Si rezultat u bë arrestimi i shtetasve A. K., 36 vjeç dhe M. M., 37 vjeç (vëllezër), të dy banues në Tiranë.

Gatë kontrolleve fizike ndaj tyre dhe kontrolleve në banesë, shërbimet e Policisë gjetën dhe sekuestruan sasi të lëndëve narkotike kanabis, kokainë dhe heroinë, mjete për konsumimin e lëndëve narkotike, një shufër metalike, një detektues përgjuesish dhe 2 aparate celularë.

Nga veprimet hetimore dyshohet se dy vëllezërit, pasi siguronin lëndët narkotike, i ndanin ato në doza të cilat i shitnin më pas, në zonën e Alliasit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.


Në përputhje me standarded JTI

Video

SHIKO KANALIN NE YOUTUBE
×