KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Megaoperacioni në Elbasan/ Albi i ‘DOKTORIT’ do vriste nipin e Azem Hajdarit në Librazhd 4 muaj më parë!

29 June 2023, 15:21Aktualitet SHKRUAR NGA REDAKSIA VOX
Megaoperacioni në Elbasan/ Albi i ‘DOKTORIT’ do vriste nipin e
Në foto: Albi Biçaku dhe babai i tij, Habil Biçaku

Albi Biçaku është një nga personat e shpallur në kërkim në kuadër të operacionit policor të koduar “Rrjeti”, i cili u finalizua ditën e sotme nga policia e Elbasanit.

Në kuadër të këtij operacioni u lëshuan 52 urdhër-arreste, u ndaluan 45 persona dhe 7 u shpallën në kërkim.

11 prej të dënuarve kanë qenë të dënuar dhe më parë për krime të kryera në fushën e narko-trafiqeve, ndërsa 10 të tjerë kanë qenë të dënuar për vepra të ndryshme penale.

Albi Biçaku nuk është një emër i panjohur për policinë, më 21 shkurt, 27-vjeçari Biçaku qëlloi me armë zjarri në drejtim të një lokali në Librazhd ku ndodheshin disa të rinj.

Ai plagosi në këmbë 35-vjeçarin Shpëtim Skura, i cili ndodhej rastësisht në tavolinë bashkë me disa miq. Biçaku synonte të qëllonte 37-vjeçarin Rinor Hajdari (nipi i Azem Hajdarit) me të cilin kishte pasur konflikt më herët. 

Albi në qytetin e Librazhdit njihet si djali problematik i doktorit, pasi babai i tij është mjek prej kohësh në disa fshatra të Librazhd.

Në zgjedhjet e fundit babai i Albit, u zgjodh këshilltar në Bashkinë e Librazhdit nën siglën e partisë Social Demokrate të Tom Doshit.

Menjëherë pas ngjarjes autori u largua me makinë dhe prej shkurtit rezulton person në kërkim.

Ndërkohë në kuadër të operacionit të sotëm të koduar “Rrjeti”, policia goditi 4 grupe kriminale që ushtronin veprimtaritë kriminale të prodhimit, shpërndarjes dhe trafikimit të lëndëve narkotike, si dhe të armëmbajtjes pa leje.

Si ndodhi ngjarja 4 muaj më parë:

Shpëtim Skura u qëllua me plumb nga Albi Biçaku, i njohur si person problematik në qytet, por duket se nuk e ka pasur për qëllim që të lëndonte Skurën.

Biçaku ka pasur një tjetër problem dhe ka sulmuar me armë zjarri biznesin, por pa kontrolluar nëse brenda ka pasur klientë. Një prej tyre ishte Skura, i cili u kap rastësisht nga plumbat.

I plagosuri ka qenë në tavolinë me shokun e tij të punës dhe sapo ishin kthyer nga Durrësi po pinin kafen e mbrëmjes.

Në atë moment ka ardhur autori me një makinë tip “Audi” dhe ka qëlluar një herë me pistoletë, duke plagosur 35-vjeçarin, i cili ndodhet në spital, fatmirësisht jashtë rrezikur për jetën. Ndërkohë që nga Policia e Librazhdit ende vijon puna për kapjen e 27-vjeçarit. 

Operacioni i sotëm:

45 persona anëtarë të grupeve që shisnin drogë u arrestuan nga policia e Elbasanit e cila shpalli në kërkim 7 të dyshuar të tjerë.

Aksioni u shtri në shtatë qytete ndërsa mes të arrestuarve, ka edhe anëtarë të bandave kriminale. Skedën e disa prej të arrestuarve, të cilët janë emra të njohur për policinë, pasi rezultojnë më të shkuar kriminale.

Një prej 45 të ndaluarve në Elbasan si pjesëtar të grupit të shkatërruar kriminal për prodhim dhe trafik droge, është Hekuran Gjeli, një emër jo pak i njohur për blutë e qytetit.

Gjeli rezulton të jetë pjesë e grupit të Çapjave, ndërsa më herët është arrestuar për armëmbajtje pa leje. Burime nga policia bëjnë me dije se personat e arrestuar kanë pasur kryesisht rol dominues në zonat ku kanë kryer shpërndarjen e lëndës narkotike.

Erist Skilja, i arrestuar nga Policia e Elbasanit në mesin e 45 të tjerëve për shpërndarje dhe trafik droge është emër i njohur për drejtësinë. Ai dyshohet se në vitin  2019, së bashku me Thanas Bekon, kanë marrë peng kushëririn e gjyqtares së Elbasanit, Zamira Vyshka, Andi Vyshka. Në atë kohë Andi Vyshka ka treguar se është marr peng nga Beko dhe Skilja, të cilët i kanë marr edhe shumën prej 2 mijë eurove. Vyshka pohoi aso kohe se ishte duke konsumuar birra në ambientet e karburant “Krasniqi”, pronë e Ilir Bekos. Fillimisht sipas tij ishte larguar për të përcjell një shoqen e saj, por ishte rikthyer pasi kishte harruar telefonin. Ky ka qenë momenti që është mbajtur nga Beko dhe Skilja. Vetë Andi Vyshka është shprehur në atë kohë se e kanë detyruar të pinte birra dhe drogë.

Albi Biçaku është një tjetër person i arrestuar nga policia, por me të shkuar kriminale. Më 21 shkurt të këtij viti, 27-vjeçari qëlloi me armë zjarri në drejtim të një lokali në Librazhd ku ndodheshin disa të rinj. Si pasojë mbeti i plagosur në këmbë Shpëtim Skura, i cili ndodhej rastësisht në tavolinë. Menjëherë pas ngjarjes autori u largua me makinë dhe prej shkurtit rezultonte person në kërkim.

Tre persona u arrestuan në Elbasan për shpërndarje të lëndëve narkotike në gusht 2021, mes tyre edhe Ahmet Kushi. Arrestimi i këtyre u bë pasi në lagjen “5 Maji”, gjatë kontrollit të ushtruar në banesën e Ahmet dhe Aleksandër Kushit, vëllezër, shërbimet e Policisë gjetën dhe sekuestruan në cilësinë e provës materiale doza me lëndë narkotike të dyshuar heroinë. Më tej gjatë kontrollit u gjetën 3 aparate celular, një peshore të vogël që shërbente për peshimin e lëndës narkotike, një sasi municioni luftarak, kokrra të bardha të dyshuara si metadon dhe një sasi parash të përfituara nga shitja e lëndës narkotike.

Pesë persona u arrestuan nga Policia e Elbasanit për prodhim dhe shpërndarje të lëndëve narkotike në 2015-ën, në mesin e të cilëve edhe Storado Sadushi, në atë kohë 20 vjeç. Gjatë operacionit u sekuestruan 1kg e 800 gr heroinë, 380 gr kokainë, 3 gr kanabis sativa, 20 gr fara kanabis sativa, 670 fishekë, 400 euro, 7 aparate telefonash celulare, dy peshore elektronike.

Rezarta Isufaj u arrestua në 10 gusht të këtij viti në Elbasan pasi në banesën e saj u gjetën 400 doza kanabis sativa dhe 1 kg tjetër që mbaheshin për qëllim shitje. Bashkë me të në pranga ra edhe i biri Franko Elmazi.

Në janar 2018 Policia e Tiranës arrestoi 5 persona, për shpërndarje kokaine. Mes tyre u arrestua edhe Shpëtim Myrta, në atë kohë 51 vjeç, banues në Elbasan, i dënuar më parë. Arrestimi u bë pasi këta persona në bashkëpunim me njëri-tjetrin shisnin lëndë narkotike e llojit të dyshuar "Kokainë" klientëve kryesisht në zonën e Oxhakut, Xhamllikut në qytetin e Tiranës. Atyre iu sekuestruan 2 automjete dhe 8 telefona celularë.

Edor Hasanllari rezulton i arrestuar në 2016-ën për grabitje të disa dyqaneve në Peqin. Arrestimi i tij u bë në fshatin Vashaj, me mjetin e tij, tip "Benz" vodhi me thyerje dyqanin me artikuj të ndryshëm në pronësi të shtetasit, por edhe në raste të tjera./VoxNews


Në përputhje me standarded JTI

Video

SHIKO KANALIN NE YOUTUBE
×