Katër vatra zjarri të reja në Maliq, zjarrfikësit dyshojnë se janë të qëllimshme

Ditën e sotme janë shfaqur katër vatra të reja zjarri në pyjet e Bodesë në njësinë administrative Lozhan të bashkisë Maliq.

Sipas shërbimit zjarrfikës të kësaj bashkie, zjarret e sotme nuk kanë lidhje me zjarret e para pak ditëve më parë, ku u dogjën plotësisht 160 hektarë pyje, kjo edhe për shkak se vatrat e sotme janë në largësi me njëra tjetrën dhe janë shfaqur në vende të përshkruara më parë nga zjarret.

Kjo edhe për shërbimin zjarrfikës lë dyshime të forta se vatrat e reja janë të qëllimshme e për këtë ne vendngjarje kanë shkuar edhe oficerë të policisë gjyqësore të cilët po hetojnë rastet e shfaqura ditën e sotme.