ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

"Jemi të harruar dhe abuzuar nga vete shteti", infermierët paralajmërojnë protesta për dhunën dhe kushtet e punës

4 September 2022, 08:47Aktualitet SHKRUAR NGA REDAKSIA VOX
"Jemi të harruar dhe abuzuar nga vete shteti", infermierët
Mjekë dhe infermierë tek QSUT

Shoqata e Infermierëve në Shqipëri paralajmëron zhvillimin e një proteste ditët në vijimi për shkak të dhunës ndaj tyre, mungesës së stafit dhe e vëmendjes së institucioneve si dhe kushtet e punës.

Kjo protestë vjen pas dhunimit të dy infermiereve pak ditë më parë në Spitalin Pediatrik në Tiranë dhe nga mos një mosreagim të institucione për këtë ngjarje. Sipas Shoqatës së Infermierëve, dhuna ndaj bluzave të bardh ndodh rëndomt në të gjithë Shqipërinë.

Përmes një deklarate, Shoqata e Infermierëve vë në dukje se prej vitesh ka mungesë të theksuar të medikamenteve, duke përfshirë dhe ato më kryesore, ka mungesë të shërbimeve si dhe mungesë të theksuar stafi duke mbingarkuar personelin që punon i cili nuk përballon fluksin e shtuar të pacienteve.

Sipas kësaj shoqate, institucionet nuk shqetësohen aspak për largimin masiv të infermierëve që ndodh çdo ditë duke shkaktuar mungesë personeli në shumë spitale dhe qendra shëndetësore. 

Ato bëjnë të ditur se janë harruar dhe abuzuar nga vetë shteti, nga Sindikatat, nga institucionet ku punojnë. Të vetmen zgjidhje, infermierët shikojnë protestimin për të drejtat e tyre. 

DEKLARATA e plotë e Shoqatës së Infermierëve

Lajmi për dhunimin e dy infermiereve tek spitali i Pediatrisë nga familjaret e një fëmije që ishte paraqitur pranë Pediatrisë në QSUT e dërguar si çështje dhe në prokurori nga denoncimi i bërë nga dy infermieret e dhunuara ka kaluar si një ngjarje normale nga të gjithë institucionet. Një fenomen i përsëritur shpesh në çdo kohe ,dhe që nuk mungoj as në kohen e pandemisë. Një fenomen që ndodh në forma të ndryshme jo vetëm në Tiranë por në çdo spital në Shqipëri. E çuditshme është fakti që nuk shqetësohen as për largimin masiv të infermierëve që ndodh çdo ditë duke shkaktuar mungesë personeli në shumë spitale dhe qendra shëndetësore sërish dhuna nuk ndalet ndaj bluzave të bardha e sidomos ndaj Infermierëve duke qenë se janë kontakti i parë me pacientët. Një lum mesazhesh kane ardhur në drejtim të Shoqatës së Infermiereve duke deklaruar që ky fenomen i dhunës ndodh rëndomte në Shqipëri. Edhe pse fajtorë të këtyre ngjarjeve nuk janë Infermieret por janë mungesat e shumta që ndodhin në institucionet shëndetësore në vend si: Mungese e theksuar stafi – duke mbingarkuar personelin që punon i cili nuk përballon fluksin e shtuar të pacienteve. Mungesa e theksuar e mjekeve specialist- ku në shumicën e rasteve shërbimet mbulohen nga mjeke specializant të rinj pa eksperience e ku në shumicën e rasteve dhe jo profesionist

Mungesat e theksuara të medikamenteve apo shërbimeve – ku prej vitesh sidomos në QSUT shërbimi i Pediatrisë pas orës 16:00 shërbimet për echo ,grafi dhe analiza duhet ti marrin tek spitali i Urgjencës Polivalente apo siç njihet ndryshe Spitali i Sëmundjeve të Brendshme

Mungese e theksuar e mendikaneteve të ndryshme edhe ato baze për të cilat familjarët detyrohen t’i blejnë neper farmacitë e ndryshme që ndodhen rreth QSUT. Përtej këtyre shumica e pacienteve dhe familjarëve përballen me situata të ndryshme ku dhe për analiza apo ekzaminime të tjera rekomandohen nga mjekët që të behën në klinika apo spitale private pasi aty punojnë pikërisht këto mjekë pas orarit të punës që mbarojnë në shtet. Fatkeqësisht në asnjë situate nuk ka pasur reagime as nga QSUT apo sidomos të harruar dhe prej Sindikatave të ndryshme të krijuara në emër të këtyre profesionistëve por që përveç kuotave dhe lekëve që marrin asnjë mbrojtje nuk kanë bërë kurrë ndaj personelit shëndetësor.

Të gjendur në këtë situatë dhe dilemës për të lëne punën apo për tu larguar nga Shqipëria pasi nuk vlerësohen siç duhet, nuk paguhen etj e së fundmi të gjendur dhe të pambrojtur e të pasigurtë gjate orarit të punës shumë infermiere ënga Spitalet me të mëdha në vend kërkojnë përfaqësimin e tyre nga Shoqata në nisjen e një sërë protestave në vend deri në zgjidhje të kërkesave të tyre. Ndërsa çdo dite jemi në kontakt me gjithë personelin në vend se shpejti do të dalim në një date të caktuar për të protestuar për të drejtat e çdo infermieri në Shqipëri. Fatkeqësisht të harruar dhe abuzuar nga vete shteti, nga Sindikatat, nga institucionet ku punojnë e nga çdo parti politike në qeveri apo opozite e vetmja zgjidhje mbetet që ti dalin për zot vetes përmes protestave për të drejtat e tyre.


Në përputhje me standarded JTI

Video

SHIKO KANALIN NE YOUTUBE
×