KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

I dënuar në Itali me rreth 9 vite burg, arrestohet në Fier 62-vjeçari (EMRI)

26 February 2025, 09:00Aktualitet SHKRUAR NGA REDAKSIA VOX
I dënuar në Itali me rreth 9 vite burg, arrestohet në Fier
Pamje nga arrestimi

Një 62-vjeçar i shumëkërkuar për trafik droge dhe organizatë kriminale nga Italia, i dënuar në mungesë me rreth 9 vite burgim, është arrestuar në Fier për qëllime ekstradimi nga Policia e Shtetit.

Burime zyrtare njoftuan sot (26 shkurt) se finalizuan nga Drejtoria e Forcës së Posaçme Operacionale, aksionin e koduar “Operacionalja 31”. I arrestuari është Alban Dauti, 62 vjeç, banues në Fier, i dënuar nga Gjykata e Milanos.

"Në kuadër të bashkëpunimit të ngushtë me partnerët italianë, me objektiv nxjerrjen përpara drejtësisë, të shtetasve të shpallur në kërkim ndërkombëtar, Drejtoria e Forcës së Posaçme Operacionale e DPPSh-së, gjatë operacionit “Operacionalja 31”, lokalizoi dhe kapi në Fier, shtetasin Alban Dauti, 62 vjeç, i lindur në Fier", bëhet e ditur në njoftim.

Autoritetet gjyqësore në Milano rezulton se e kanë dënuar me 8 vjet e 8 muaj burgim, për veprën penale “trafikimi i lëndëve narkotike”, kryer në kuadër të organizatës kriminale.

"Interpol Tirana po bashkëpunon me homologët italianë, për të kryer ekstradimin e këtij shtetasi, në Itali", sqaron policia.


Në përputhje me standarded JTI

Video

SHIKO KANALIN NE YOUTUBE
×