KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Greva e doganierëve grekë, nesër bllokohet lëvizja e mjeteve në dogana

27 February 2025, 18:00Aktualitet SHKRUAR NGA REDAKSIA VOX
Greva e doganierëve grekë, nesër bllokohet lëvizja e mjeteve
Greva e doganierëve grekë, nesër bllokohet lëvizja e mjeteve në dogana

Ditën e premte do të bllokohet lëvizja e mjeteve në doganën e Kakavijës, Qafë Botës, si dhe Tre Urat, kjo si pasojë e grevës së doganierëve grekë.

Bllokimi sipas asaj që bëhet e ditur nga njoftimi i pikës kufitare do të jetë nga ora 07:00 deri në orën 23:00. Do të lejohen të qarkullojnë vetëm këmbësorët, mjetet e transportit të produkteve që prishen dhe automjetet që do kenë emergjenca shëndetësore.

Njoftimi i policisë:

Departamenti i Policisë Kufitare dhe Migracionit në Policinë e Shtetit është njoftuar nga Qendra e Bashkëpunimit Policor në Kakavijë se më datë 28.02.2025, nga ora 07:00 deri në orën 23:00, punonjësit e doganës greke në PKK Kakavijë, PKK Qafë Bot - Sarandë dhe PKK Tre Urat - Përmet do të zhvillojnë grevë, dhe për këtë arsye do të pezullohet lëvizja e lirë e automjeteve.

Policia Kufitare e Janinës ka sqaruar se gjatë kësaj periudhe do të lejohen vetëm këmbësorët pa bagazhe dhe rastet emergjente shëndetësore (ambulancat).

Nisur nga kjo situatë, Policia Kufitare apelon për të gjithë qytetarët dhe drejtuesit e automjeteve që kanë planifikuar lëvizjen drejt Greqisë, të gjejnë alternativa të tjera për të udhëtuar dhe të shmangin grumbullimin në pikat kufitare të sipërpërmendura deri në një njoftim të dytë.


Në përputhje me standarded JTI

Video

SHIKO KANALIN NE YOUTUBE
×