E zuri masivi i dheut teksa po punonte me ekskavator, gjendet pas gjashtë ditësh trupi i 29-vjeçarit

Është gjendur sot trupi i 29-vjeçarit, Ardit Beshiri, i riu të cilin e zuri poshtë një masiv dheu teksa ishte duke gërmuar me fadromë në vendin e quajtur Qafa e Burrelit.

Trupi i pajetë u gjet nga ushtria e Kosovës rreth katër kilometra larg vendit ku ndodhi ngjarja.

I riu punonte me eskavator në fabrikën e pasurimit Qafë Burrel, e cila menaxhohej nga një kompani Kineze.

Në lidhje me këtë ngjarje të rëndë, Policia e Komisariatit të Matit arrestoi drejtuesin teknik të kësaj firme për shkelje të rregullave të sigurimit teknik në punë.