AJKA E JURISPRUDENCËS/ Gjykata Kushtetuese vendos: Kjo çështje s’është për ne, çojeni në Kushtetuese!

 Kliko këtu për të tjera
Voxpress:

Arben Muçaj zgjidhet President i Urdhrit të Stomatologut të Shqipërisë!

6 Dhjetor 2025, 11:18Aktualitet SHKRUAR NGA REDAKSIA VOX
FOTO: Urdhri i Stomatologut të Shqipërisë

Urdhri i Stomatologut të Shqipërisë ka përmbyllur procesin zgjedhor në të gjithë vendin, pas votimeve në 7 rajonet dhe konstituimit të Asamblesë Kombëtare, në përputhje me statutin dhe vendimet gjyqësore në fuqi.

Në mbledhjen përfundimtare të Asamblesë Kombëtare, me votim të fshehtë, u zgjodh Presidenti i ri i institucionit për mandatin 2025–2030.

Njoftimi i urdhrit të Stomatologut të Shqipërisë:

Me shumicë votash, drejtimi i Urdhrit të Stomatologut të Shqipërisë i është besuar:

Dr. Arben Muçaj
Kirurg Oro-Maksilofacial
Doktor i Shkencave

Zgjedhja e tij vjen pas përfundimit të mandatit të ish-presidentit Nikoll Deda, i cili përfundoi dy mandatet e parashikuara nga statuti.

Me këtë proces, institucioni rikthehet në normalitetin e tij funksional, duke hapur një fazë të re për organizimin demokratik, transparent dhe profesional të strukturave të USSH.

Në fjalën e mbajtur pas zgjedhjes, Presidenti i ri Dr. Muçaj theksoi ndryshimin e filozofisë së funksionimit të Urdhrit:

“Urdhri i Stomatologut deri tani ka funksionuar si një strukturë që u jepte urdhra dhe penalizime stomatologëve. Nga sot e tutje, Urdhri do të jetë avokati, mbrojtësi dhe përfaqësuesi i tyre, jo autoritet ndëshkues.”

Prioritetet kryesore të mandatit të ri do të fokusohen në:

rritjen e transparencës,

forcimin e unitetit profesional,

modernizimin e strukturave dhe mbrojtjen e të gjithë stomatologëve në vend.

Procesi zgjedhor u zhvillua në mënyrë të rregullt dhe në respekt të plotë të procedurave statutore, duke garantuar një tranzicion të qetë dhe legjitim të drejtimit të institucionit.


Në përputhje me standarded JTI

Video

SHIKO KANALIN NE YOUTUBE
×