Akuza për korrupsion, GJKKO liron nga qelia punonjësin e INUV

Gjykata e Posaçme ka liruar nga burgu Gentian Bakon punonjësin e INUV Elbasan që ishte shpallur në kërkim nga SPAK për një rast korrupsioni.

Një ditë më parë gjyqtaria e çështjes Elsa Ulliri ka pranuar në mënyrë të pjesshme kërkesën e tij për lirimin nga qelia. Ndaj tij është caktuar masa e sigurisë detyrim paraqitje çdo të mërkurë në orën 14:00.

Çështja fillimisht është hapur nga prokuroria e Elbasanit ku u proceduan me masën e sigurisë “arrest në burg” kryeinspektori i INUV, Andri Mehja dhe inspektorit Bardhyl Qehja.

Bako ka dalë nga hetimi i SPAK, se ka bashkëpunuar me dy personat e tjerë të mësipërm për marrjen e ryshfetit nga një qytetar, me synim që te mos i prishnin shtëpinë.