Aksident në Korçë, 25-vjeçarja me "Benz" përplaset me murin

Një aksident ka nodhur mbrëmjen e sotme në fshatin Dishnicë të Korçës, me pasojë plagosjen e një 25-vjeçareje.

Policia thotë se shoferja ka humbur kontrollin e mjetit dhe ka dalë nga rruga. Mësohet se për pasojë makina është përplasur me murin e një banese.

"Rreth orës 22:05, në aksin rrugor "Korçë-Devoll" në fshatin Dishnicë, shtetasja F. S., 25 vjeçe, duke drejtuar automjetin tip "Benz", dyshohet se ka humbur kontrollin mbi drejtimin e tij dhe si pasojë automjeti ka dalë nga rruga. Shtetasja F. S. është dërguar në spital, për ndihmë mjekësore jashtë rrezikut për jetën", njofton policia.

Grupi hetimor po punon për sqarimin e rrethanave dhe shkakut të aksidentit.