Aksident me katër të plagosur në Elbasan

Një aksident është regjistruar pasditen e sotme në Elbasan. Paraprakisht bëhet me dije se një automjet ka dalë nga rruga dhe të plagosur kanë mbetur 4 persona.

“Në fshatin Polis Vila, automjeti me drejtues shtetasin R. B., ka dalë nga rruga. Për pasojë janë dëmtuar 4 shtetas që udhëtonin në këtë automjet, të cilët po transportohen me ambulancë për ndihmë mjekësore dhe janë jashtë rrezikut për jetën”, njoftoi policia.

Grupi hetimor vijon punën për përcaktimin e rrethanave të aksidentit.