Aksident i RËNDË në Korçë, makina kthehet përmbys në kanal!

Një aksident i rëndë është shënuar mesditën e sotme në aksin rrugor nacional Korçë-Pogradec.

Ngjarja ka ndodhur në afërsi të fshatit Pirg, ndërsa janë përplasur një furgon me një makinë të vogël.

Si pasojë e përplasjes së fortë, automjeti i vogël ka dalë nga rruga duke përfunduar përmbys në kanalin anësor të rrugës.

Dy personat që ishin në makinën e vogël kanë mbetur të lënduar, ndërsa ato janë dërguar për të marrë ndihmë mjëkësore në spital.

Në vendin e ngjarjes kanë shkuar shërbimet e policisë, të cilët po hetojnë për të zbardhur rrethanat e këtij aksident.