KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

"Ushtari" që ka hallin e "shefes" dhe nuk sheh hallin e qytetarëve

29 September 2026, 17:45Aktualitet SHKRUAR NGA REDAKSIA VOX

Teksa drejtori i Inspektoratit Shtetëror Teknik dhe Industrial (ISHTI), Sokol Zajmi, merrej këtë të martë me reagimin ndaj “Fiks Fare” dhe shpjegonte publikisht respektin e tij për ish-ministren Belinda Balluku, një tjetër pikë karburanti shpërtheu në Sarandë, duke lënë dy persona të plagosur.

Një ditë më parë, “Fiks Fare” (në vazhdën e sulmit të Top Channel ndaj Belinda Ballukut) transmetoi pamje të regjistruara me kamera të fshehtë, ku Zajmi, njëjtë si drejtues të tjerë nën ndikimin e Ballukut, dëgjohej të thoshte: “Nëse je mikesha e shefes, je dhe e imja”, si dhe “Ushtarët zëvendësohen kollaj, po mbretëresha nuk zëvendësohet dot”.

Zajmi reagoi sot duke akuzuar emisionin se kishte shkëputur deklaratat e tij nga konteksti. Ai sqaroi se fjala “shefe” lidhej me respektin personal për Ballukun dhe jo me funksionimin e institucionit që drejton. “Unë besoj se znj. Balluku, në përfundim të betejës së saj ligjore, do të dalë e pafajshme”, shkroi Zajmi, tamam si një ushtar besnik, ndërsa si papagall i shefes kritikoi Top Channel se ishte kthyer në televizion gjobaxhi. 

Por pikërisht këtë të martë, një shpërthim i fuqishëm në një pikë karburanti në rrugën “Skënderbeu” në Sarandë plagosi dy persona. Një 39-vjeçar pësoi djegie në trup, ndërsa një 27-vjeçar u dërgua në spital pas tronditjes nga shpërthimi. Shkaqet e ngjarjes janë ende nën hetim. Sigurinë supozohet ta garantojë dhe monitorojë ISHTI. 

Rasti nuk është i vetëm. Vetëm pak javë më parë një tjetër shpërthim në karburantin “Eida”, në zonën e Brrylit në Tiranë, plagosi tre punonjës dhe shkaktoi dëme materiale. Ndërsa në Fllakë të Durrësit, një shpërthim i dyshuar i një bombole gazi në ambientet e një fabrike i mori jetën një 25-vjeçari nga Bangladeshi dhe plagosi një tjetër person.

Nuk ka të dhëna që këto ngjarje të kenë një shkak të përbashkët apo që përgjegjësia për to t’i atribuohet drejtpërdrejt ISHTI-t. Por kontrasti ngre një çështje më të gjerë për (mos)funksionimin e institucioneve nën qeverinë Rama. Kur drejtuesit e tyre vetëpërshkruhen si “ushtarë” dhe harxhojnë energji publike duke shpjeguar besnikërinë ndaj “shefes”, pyetja që mbetet është nëse vëmendja e tyre kryesore është te shefat apo te detyra për të cilën paguhen.(Lapsi.al) 


Në përputhje me standarded JTI

Video

SHIKO KANALIN NE YOUTUBE
×