JO VETËM GAZA/ Shqipëria gati të dërgojë trupa në Minesota, thotë lideri akrobat

 Kliko këtu për të tjera
Voxpress:

Napoli hap fals ndaj Veronës, Atalanta fiton duelin direkt

7 Janar 2026, 20:51Sport SHKRUAR NGA REDAKSIA VOX
Verona shtang Napolin

Napoli u shtang në shtëpi nga Hellas Verona, duke barazuar 2-2 në duelin e javës së 19-të në Serinë A.

Hap fals nga kampionët në fuqi, që e mbyllën pjesën e parë në disavantazh të dy golave. Verona zhbllokoi takimin në minutën e 16-të me Frese, ndërsa Orban dyfishoi 11 minuta më vonë.

Fraksioni i dytë nisi me Napolin në sulm dhe McTominay ngushtoi diferencat në minutën e 54-t. Di Lorenzo barazoi shifrat në minutën e 82-të, por ekipi i Contes nuk ia doli dot të përmbysë rezultatin.

Me këtë barazim, Napoli mban vendin e tretë me 38 pikë, një më pak se Interi kryesues. Verona mban vendin e 18-të me 13 pikë.

Në duelin tjetër, Atalanta triumfoi 0-2 në transfertë ndaj Bolognas, në duelin direkt për zonën europiane. Bergamaskët ishim më kërkues nga fillimi dhe gjetën avantazhin me Krstovic në minutën e 37-të.

Ishte i njëjti autor, i cili në minutën e 60-të dyfishoi shifrat, për të vulosur fitoren e miqve.

Me këtë sukses, Atalanta mban vendin e shtatë me 28 pikë të grumbulluara, ndërsa Bologna zbret në vendin e tetë me dy pikë më pak.


Në përputhje me standarded JTI

Video

SHIKO KANALIN NE YOUTUBE
×